LEVÍTICO 16:6 - Biblia Guarani Tumpa Iñee

⁶ Jare Aarón togüeruruka toro taɨrusu vae jae imbae, cheɨ̈ro vaerä mbaeyoa re, jare toyapo ñeñono kavi iyeupeguarä jare jo pegua reta peguarä.

LEVÍTICO 16:6 ပူးပေါင်းရင်းမြစ်များ

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

EZEQUIEL 43:27

Chiu ara opa oasa güire, juri araa güi jenonde kotɨ, sacerdote reta tomee jókuae mɨmba oyeyuka oyeapɨ jese vae re mɨmba oyeyukagüe opaetei oyeapɨ vae jare mbota reta yembopɨakatu pegua. Jare che chepɨakatuta peré. Che peYa Tumpa jae kuae.”

LEVÍTICO 16:3

Togüeru o mbaemboetea pe metei toro taɨrusu vae, cheɨ̈ro vaerä mbaeyoa re jare metei vecha kuimbae opaetei oyeapɨ vaerä vae.

LEVÍTICO 16:7

Jaɨkue rupi toipɨɨ jókuae mókoi kavara kuimbae jare tomee cheróvai, tupao guakapi pegua jöke pe.

LEVÍTICO 9:7

Jare Moisés jei Aarón pe: “Eya katu mɨmba oyeyuka oyeapɨ jese vae re, jare eyuka emee mɨmba mbaeyoa regua jare mɨmba opaetei oyeapɨ vae, Tumpa iñɨ̈ro vaerä ndeyoa re jare opaete vae reta iyoa re. Emee vi mɨmba Israel iñemuña reta omee vae, Tumpa iñɨ̈ro vaerä mbaeyoa re, yandeYa oporookuai rami.”

Hebreos 7:27

jae mbaetɨ omee mɨmba oyeyukagüe jókuae ïru sacerdote tenondegua ete reta ara ñavo omee rami, echa jae reta tenonde omee iyoa re räri jare jaɨkue rupi opaete vae reta re. Ërei Jesús jae etei oñemee metei veseño jekuae avei pegua.

Hebreos 9:12

Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.

Hebreos 9:7

Ërei cuarto oñono tee kavi yae vae pe, sacerdote tenondegua eteño oike metei vese año pe, güɨroike reve tugüɨ. Jae omee iyegua jare jeta vae reta oikuaambae reve iyoa vae re.