LEVÍTICO 16:29 - Biblia Guarani Tumpa Iñee

²⁹ Kuae mborookuai jekuae avei pegua toiko peveguarä: Chiu yasɨa pe, payandepo araa pe jókuae yasɨ, peiporarauka peyeupe aeño, agüɨye peyapo mbae nunga mbaravɨkɨ ani ketɨgua reta ave pepɨte rupi yogüɨreko vae.

LEVÍTICO 16:29 ပူးပေါင်းရင်းမြစ်များ

1 REYES 8:2

Arete guasu iara pe oyemboatɨ opaete Israel iñemuña reta pegua mburuvicha guasu Salomón pɨri Etanim yasɨ pe, jae ko chiúa yasɨ pe.

ESDRAS 3:1

Jare chiúa yasɨ pe, Israel iñemuña reta ñogüɨnoi kavi ma jëta guasu reta rupi yave, oyomboatɨ reta metei ramiño Jerusalén pe.

ESDRAS 8:21

Jare jókuae ɨ̈aka Ahava jembeɨ pe royekuaku tembíu güi, roñemomichi vaerä oreTumpa jóvai royavɨ jeko pegua, jare royerure vaerä chupe orereraja kavi vaerä, ore, oremichia reta jare orembaembae reta.

SALMOS 35:13

ërei jae reta imbaerasɨ yave, che ayemonde temimonde mbɨatɨtɨ pegua pe, chepɨatɨtɨ jese reta güi ayekuaku tembíu güi, chepɨa rupi ayerure avei jese reta.

SALMOS 69:10

Ayaeo jare ayekuaku tembíu güi yave, cheyóyai yóyai reta.

ÉXODO 12:16

Tenondegua ara, jökorai vi chiúa ara pe toime yemboatɨ guasu Tumpa peguarä; agüɨye mbae toyeapo jókuae ara rupi; jaeño pepuere peyapo tembíu peyeupeguarä.

ÉXODO 20:10

ërei chiúa ara, mbutuu pegua ko, che peYa Tumpa peguarä; jókuae ara agüɨye peyapo mbae nunga mbaravɨkɨ, jaeramiño vi peraɨ, perayɨ, perembiokuai kuimbae, perembiokuai kuña, ani perɨmba yepe, ani ketɨgua pero pe pereko vae yepe.

ÉXODO 30:10

Jare guakarätiecha vae reta re Aarón toñono mɨmba oyeyukagüe mbaeyoa oyemboai vaerä vae jugüɨgüe, año pe metei vese oyeyuka vae; metei vese año pe peñemuña reta tomee avei jese mbaeyoa oyemboai vaerä. Kuae mɨmba oyeyuka oyeapɨ jese vae, oñeñono tee kavi yae vae ko che peYa peguarä.”

ÉXODO 31:14

Jayave pemboete ara mbutuu pegua oñeñono tee ko peveguarä; kuae ara omboetembae tomano. Echa oipotagüe oyapo yave mbaravɨkɨ kuae ara, jókuae nunga toyemombo ete kavi Israel iñemuña reta ipɨte güi.

ÉXODO 31:15

Ova ara toyeparavɨkɨ, ërei chiúa ara pe, ara mbutuu pegua ko oñeñono tee che peYa pe. Oipotagüe oparavɨkɨ kuae ara mbutuu pegua pe yave, tomano.’

ISAÍAS 58:13

Emboete ara mbutuu pegua, agüɨye eyapo ndeparavɨkɨ cheara oñeñono tee vae pe. Kuae ara ereko, ara yerovia katu pegua, che ndeYa peguarä oñeñono tee jare imboetea yae vae. Emboete, agüɨye eeka nderemimbotaño ani mbae ndeyeupeguaräño.

ISAÍAS 58:3

ërei ngatu jei reta: ‘¿Maera pa yayekuakuta tembíu güi? Tumpa mbaetɨ ko yandereecha. ¿Maera pa ñañemomichita? Tumpa mbaetɨ ko oikuaa.’ Yekuaku tembíu güi iara pe, peyapo pepɨa jemimbotaño, jare perekoasɨ katu oyeokuai peve vae reta.

ISAÍAS 58:5

¿Jae pa kuae yekuaku tembíu güi vae chembopɨakatu vae? Pepɨatɨtɨ vae, peäkatindɨ käipepe rami vae, peyepɨso temimonde jaimbe vae re vae, ani tanimbu re vae. ¿Jókuae pe pa pere ‘yekuaku tembíu güi’, jare ‘ara yandeYa omboyerovia vae’?

DANIEL 10:12

Jayave jei cheve: ‘Daniel, agüɨye ekɨɨye; echa jókuae ara voi nde reipota reikuaa mbaembae yavai yae vae jare vi reñemomichi neTumpa jóvai rupive jae oendu ndeve ndeyerure, jáeramo che ayu.

DANIEL 10:3

Mbaetɨ jau tembíu jëe ngatu vae, mbaetɨ jau soo ani vino ave yepe, mbae ikäti kavi vae ave mbaetɨ añono cheyé mboapɨ semana rupi.

LEVÍTICO 23:21

Jókuae ara peyapo yemboatɨ mbaemboete pegua, agüɨye mbae nunga mbaravɨkɨ ipoɨgüe peyapo; mborookuai jekuae avei pegua toiko peve jare peñemuña reta peguarä oipota rupi peikoa rupi.

LEVÍTICO 23:3

Peparavɨkɨ ova ara, ërei chiúa ara pe peputuu, ara mbutuu pegua ko, yemboatɨ mbaemboete pegua ko. Agüɨye peyapo mbae nunga mbaravɨkɨ, ara mbutuu pegua ko cheveguarä, peyomboatɨ oipota rupi peikoa rupi.

LEVÍTICO 23:36

Chiu ara pemee mbota oyeapɨ vae cheve; jare juría ara pe peyapo yemboatɨ mbaemboete pegua, jare pemee mbota oyeapɨ vae cheve; arete ko, agüɨye mbae nunga mbaravɨkɨ ipoɨgüe peyapo.

LEVÍTICO 25:9

chiúa yasɨ pe, payandepo ara pe, mɨmba oyeyukagüe cheɨ̈ro vaerä mbaeyoa re vae iara pe, pemoñeeuka täta temimbɨ vecha kuimbae-räti pegua opaete peɨvɨ rupi.

LEVÍTICO 3:17

Mborookuai jekuae avei pegua toiko peveguarä jare peraɨ reta peguarä, oipota rupi peikoa rupi, agüɨye peu mbaekɨra ani tugüɨ.”

NÚMEROS 29:7

Ara payandepoa pe, jókuae yasɨ chiúa pe peyapo yemboatɨ guasu Tumpa peguarä, peyekuaku tembíu güi; jókuae ara agüɨye peyapo mbae nunga mbaravɨkɨ ave.

Hechos 27:9

Jare ɨma yae ma roguata ramo, ikaviä ma rojoño vaerä ɨguasu rupi. Echa oyearo ma iroɨ vaerä ramo, Pablo omboarakuaa reta,

1 Corintios 11:31

Echa ñamae kavi yandeyé yave, yandeYa ngaraa yandemboeko.

Hebreos 4:10

Echa oike jókuae mbutuu pe vae, oputuu ko iparavɨkɨ reta güi, Tumpa oputuu iparavɨkɨ güi rami.

1 SAMUEL 7:6

Jare oyomboatɨ reta Mizpa pe jare güeru reta ɨ opɨyere yandeYa jóvai mbotarä, jare oyekuaku reta tembíu güi jókuae ara, jare joko pe jei reta: “Oreyoa yandeYa kotɨ.” Jare Samuel omboɨpɨ oï juvicharä Mizpa pe.