LEVÍTICO 16:17 - Biblia Guarani Tumpa Iñee

¹⁷ Agüɨye toike metei ave kuimbae tupao guakapi pegua pe, Aarón oike yave japɨpe oñeñono tee kavi yaea pe omee vaerä mbota, cheɨ̈ro vaerä mbaeyoa re, jae oë ye regua, jare opa ma omee mbota jae iyoa re, iñemuña reta jare opaete Israel iñemuña reta iyoa re yave,

LEVÍTICO 16:17 ပူးပေါင်းရင်းမြစ်များ

1 CRÓNICAS 6:34

Samuel jae Elcana taɨ, Elcana jae Jeroham taɨ, Jeroham jae Eliel taɨ, Eliel jae Toa taɨ,

ÉXODO 34:3

Agüɨye metei kuimbae ave toyeupi nde ndive, agüɨye metei ave toyekuaa opaete ɨvɨtɨ rupi, vecha ani güeye ave agüɨye tokaru ɨvɨtɨ jóvai rupi.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

LEVÍTICO 16:16

Jökorai toitɨo tupao guakapi pegua japɨpe oñeñono tee kavi yae vae, Israel iñemuña reta ikɨa Tumpa jóvai, ipɨapochɨ jare opaete iyoa reta jeko pegua; jökorai vi toyapo tupao guakapi pegua, echa oiko jae reta ndive ikɨa reve ipɨte pe.

LEVÍTICO 16:18

toë toitɨo ikäti kavi vae incienso oyeapɨ jese vae cheróvai oï vae. Toipɨɨ toro taɨrusu vae jugüɨgüe jare kavara kuimbae jugüɨgüe jare toipichɨ togüɨroyere ikäti kavi vae incienso oyeapɨ jese vae re guakarätiecha ñogüɨnoi vae re,

San Lucas 1:10

Jare jeta Israel pegua reta yatɨ oyerure ñogüɨnoi tupao joka pe, Zacarías oapɨ oï ramboeve ikäti kavi vae incienso.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 9:7

Ërei cuarto oñono tee kavi yae vae pe, sacerdote tenondegua eteño oike metei vese año pe, güɨroike reve tugüɨ. Jae omee iyegua jare jeta vae reta oikuaambae reve iyoa vae re.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.