LEVÍTICO 16:16 - Biblia Guarani Tumpa Iñee

¹⁶ Jökorai toitɨo tupao guakapi pegua japɨpe oñeñono tee kavi yae vae, Israel iñemuña reta ikɨa Tumpa jóvai, ipɨapochɨ jare opaete iyoa reta jeko pegua; jökorai vi toyapo tupao guakapi pegua, echa oiko jae reta ndive ikɨa reve ipɨte pe.

LEVÍTICO 16:16 ပူးပေါင်းရင်းမြစ်များ

ÉXODO 30:10

Jare guakarätiecha vae reta re Aarón toñono mɨmba oyeyukagüe mbaeyoa oyemboai vaerä vae jugüɨgüe, año pe metei vese oyeyuka vae; metei vese año pe peñemuña reta tomee avei jese mbaeyoa oyemboai vaerä. Kuae mɨmba oyeyuka oyeapɨ jese vae, oñeñono tee kavi yae vae ko che peYa peguarä.”

LEVÍTICO 16:17

Agüɨye toike metei ave kuimbae tupao guakapi pegua pe, Aarón oike yave japɨpe oñeñono tee kavi yaea pe omee vaerä mbota, cheɨ̈ro vaerä mbaeyoa re, jae oë ye regua, jare opa ma omee mbota jae iyoa re, iñemuña reta jare opaete Israel iñemuña reta iyoa re yave,

LEVÍTICO 16:18

toë toitɨo ikäti kavi vae incienso oyeapɨ jese vae cheróvai oï vae. Toipɨɨ toro taɨrusu vae jugüɨgüe jare kavara kuimbae jugüɨgüe jare toipichɨ togüɨroyere ikäti kavi vae incienso oyeapɨ jese vae re guakarätiecha ñogüɨnoi vae re,

LEVÍTICO 23:27

“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; peyapo yemboatɨ mbaemboete pegua, peiporarauka peyeupe aeño, jare pemee mbota oyeapɨ vae cheve.

LEVÍTICO 8:15

Jare oñaseokɨ̈ti; jare Moisés oipɨɨ jugüɨgüe, omopöe ipoäka pɨpe jare opaetei oipichɨ guakarätiecha ñogüɨnoi mɨmba oyeyuka oyeapɨ jese vae re vae, jökorai oitɨo mɨmba oyeyuka oyeapɨ jese vae Tumpa peguarä, jare jugüɨ jembɨregüe opɨyere mɨmba oyeyuka oyeapɨ jese vae iyɨpɨ re, jare mɨmba oyeyuka oyeapɨ jese vae oñeñono tee opɨta jese Tumpa iñɨ̈ro vaerä mbaeyoa re.

NÚMEROS 17:11

Moisés oyapo yandeYa oyókuai vae rami.

NÚMEROS 28:15

Toñemee vi yandeYa pe metei kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, vino oyepɨyere vae ndive.

San Juan 14:3

Aja ma yave ayapokatu perendarä, ayu yeta pogüɨraja, pe reta vi peiko vaerä che aikoa pe.

Hebreos 2:17

Jáeramo Jesús ikavi ko oyeapo vaerä ɨvɨ pegua reta rami, ipuere vaerä Tumpa jóvai sacerdote tenondegua ete oporoparareko jare jupi vae, jökorai Tumpa iñɨ̈ro vaerä opaete vae reta pe iyoa reta re.