LEVÍTICO 14:54 - Biblia Guarani Tumpa Iñee

⁵⁴ Jae kuae mborookuai mbaerasɨ pɨ̈chɨi vae regua, pire mbaerasɨ ókui vae regua, äka regua jare tañɨka regua pire mbaerasɨ ókui vae,

LEVÍTICO 14:54 ပူးပေါင်းရင်းမြစ်များ

LEVÍTICO 11:46

Jae kuae mborookuai mɨmba reta regua, güɨra reta regua, jare opaete oikove ɨ rupigua vae regua, jare ɨvɨ iárambo rupi vae regua.

LEVÍTICO 13:3

Jare sacerdote tomae ipere jete re oï vae re; jare iperea pe jaa oï vae tïi yave, jare ipere oyeu ete yave, pire mbaerasɨ ókui vae ko; jare sacerdote toikuaa, jare tomombeu ikavimbae ko.

LEVÍTICO 14:2

“Kuae mborookuai toiko ipire mbaerasɨ ókui vae oyetɨo oï vae peguarä: Toyereru sacerdote pe,

LEVÍTICO 14:32

Jae kuae mborookuai pire mbaerasɨ ókui vae regua, mbaetɨ yave oupitɨ chupe omee vaerä mbota tuicha vae oyetɨo vaerä.

LEVÍTICO 14:53

Jaɨkue rupi topoi güɨra oikove vae güi, tëta guasu güi ikatu pe kaa pe. Jökorai toyapo mɨmba oyeyukagüe cheɨ̈ro vaerä mbaeyoa re, jare topɨta ikɨambae.”

LEVÍTICO 15:32

Jae kuae mborookuai kuimbae imbaerasɨ güi taɨ oë vae regua, jare kuña oiporara yasɨ ñavo vae, jare oasa ete tugüɨ oiporara vae regua, ani kuimbae oyapakua kuña jugüɨ reve oï vae ndive regua, echa ikɨa ko opɨta reta Tumpa jóvai kuae mbaerasɨ jeko pegua.

LEVÍTICO 6:14

Jae ko kuae mborookuai kërai oyeapo vaerä mbota temitɨ jäɨgüe, Aarón taɨ reta tomee cheve, mɨmba oyeyuka oyeapɨ jese vae jóvai.

LEVÍTICO 6:25

“Ere Aarón jare taɨ reta pe: Jae ko kuae mborookuai reta kërai oyeapo vaerä mɨmba oñemee Tumpa iñɨ̈ro vaerä mbaeyoa re vae, mɨmba oyeyukagüe opaetei oyeapɨta vae oyeyukaa pe toñaseokɨ̈ti mɨmba mbaeyoa regua cheróvai; kuae ko mbae oñeñono tee kavi yae cheveguarä vae.

LEVÍTICO 6:9

“Eyókuai Aarón jare taɨ reta, jare ere chupe reta: Kuae jae mborookuai reta kërai oyeapo vaerä mɨmba oyeyukagüe opaetei oyeapɨ vae. Jókuae mɨmba oyeapɨta vae toï tata iárambo mɨmba oyeyuka oyeapɨ jese vae re opaete pɨ̈tu köe regua, agüɨye togüe tata.

LEVÍTICO 7:1

Jaeramiño jae kuae mborookuai kërai oyeapo vaerä mɨmba oyeyuka ñɨ̈ro pegua jare mbaemboepɨ oñemoïru reve vae. Kuae ko jae oñeñono tee kavi yae Tumpa peguarä vae.

LEVÍTICO 7:37

Jae ko kuae mborookuai mɨmba oyeyukagüe opaetei oyeapɨ vae reta regua, mbota temitɨ jäɨgüe regua, mɨmba oyeyukagüe mbaeyoa regua, jare mɨmba oyeyuka ñɨ̈ro pegua regua, jare oñeñono tee Tumpa pe vae regua jare mɨmba oyeyukagüe yembopɨakatu regua.

NÚMEROS 19:14

Kia nunga vae omano yave pero guakapi pegua japɨpe, peyapo kuae mborookuai: Opaete joko pe oike vae jare ñogüɨnoi joko pe vae tikɨa topɨta Tumpa jóvai chiu ara.

NÚMEROS 5:29

Kuae ko jae mborookuai tägüɨro regua, metei kuña jupiä ime kotɨ yave, iyaguasa yave;

NÚMEROS 6:13

Jae kuae oñererökuavee nasareorä oiko vae omboapɨ yave oyapo vaerä: Tou tupao guakapi pegua jöke pe,

DEUTERONOMIO 24:8

Oime yave pire mbaerasɨ ókui vae, peyapo opaete sacerdote Leví iñemuña reta jeigüe. Toyeapo che amee mborookuai chupe reta rami.