LEVÍTICO 14:14 - Biblia Guarani Tumpa Iñee

¹⁴ Jare sacerdote toipɨɨ mɨmba oyeyuka ñɨ̈ro peguarä vae jugüɨgüe, jare toñono oyetɨo vae inambi iyakatu kotɨgua jembeɨ ɨvɨkotɨgua re, ipoäka guasu jare ipɨ̈sa guasu iyakatu kotɨgua re.

LEVÍTICO 14:14 ပူးပေါင်းရင်းမြစ်များ

ÉXODO 29:20

Jare eyuka vecha kuimbae, jare emboɨru jugüɨgüe jare eipichɨ Aarón inambi iyakatu kotɨgua jembeɨ re, ipoäka guasu jare ipɨ̈sa guasu iyakatu kotɨgua re; jökorai vi eyapo taɨ reta, jare jókuae tugüɨ jembɨregüe pe eñapiramo mɨmba oyeyuka oyeapɨ jese vae iyɨke yɨke re.

ISAÍAS 1:5

¿Maera pa jekuaeñoi peipota peiporara? ¿Jekuaeñota pa peyembopɨapochɨ? Opaetei peäka imbaerasɨ oï, jare opaetei pepɨa pe peiporara peï.

LEVÍTICO 14:19

Kuae jaɨkue rupi sacerdote tomee mɨmba oyeyuka mbaeyoa re vae, cheɨ̈ro vaerä mbaeyoa re, ikɨa güi oyetɨo oï vae re; jaɨkue rupi toñaseokɨ̈ti mɨmba oyeyuka opaetei oyeapɨ vaerä vae,

LEVÍTICO 14:25

javoi toñaseokɨ̈ti vecha kuimbae taɨrusu vae ñɨ̈ro pegua, jare toipɨɨ jugüɨgüe, jare toñono oyetɨo oï vae inambi iyakatu kotɨgua jembeɨ ɨvɨkotɨgua re, ipoäka guasu jare ipɨ̈sa guasu iyakatu kotɨgua re;

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 6:13

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

Romanos 6:19

Kuimbae reta ramiño chemiari aï, pepuereä peikuaa kavi ramo. Tenonde yave pemee perete peyapo vaerä mbaeyoa, peyapo vaerä pɨ̈chɨi vae jare jupimbae vae. Jökorai vi añave pemee perete peyeokuai vaerä mbaejupi pe, peñeñono tee reve Tumpa peguarä.

1 Corintios 6:20

Echa perete Tumpa oguagüe ko. Jáeramo pemboete Tumpa perete pe jare perekove pe. Echa mókoi reve Tumpa imbae ko.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

DEUTERONOMIO 24:8

Oime yave pire mbaerasɨ ókui vae, peyapo opaete sacerdote Leví iñemuña reta jeigüe. Toyeapo che amee mborookuai chupe reta rami.

Filipenses 1:20

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.