LEVÍTICO 13:43 - Biblia Guarani Tumpa Iñee

⁴³ Jayave sacerdote tomae jese, jare oecha iperea iruru tïi pɨ̈ta äve yave jókuae iñäka raambae pe ani jesɨva raambae pe, jete re pire mbaerasɨ ókui vae oyekuaa rami yave,

LEVÍTICO 13:43 ပူးပေါင်းရင်းမြစ်များ

ISAÍAS 3:17

jáeramo, opata ambosururuka ia chugüi reta äka mbaerasɨ pe, jare iñäka raambae opɨta retata.”

EZEQUIEL 22:26

Ndesacerdote reta oporomboe kaviä cheporookuai re, omongɨa reta chero mbaemboetea; mbaetɨ omboyoavɨ reta oporomboe oñeñono tee vae oñeñono teembae güi, mbaetɨ oikuaauka reta ikɨa Tumpa jóvai vae ikɨambae vae güi. Mbaetɨ omboete reta cheara reta mbutuu pegua, jare mbaetɨ chemboete reta.

LEVÍTICO 10:10

peikuaa vaerä oñeñono tee Tumpa peguarä vae, oñereröɨro vae, ikɨa vae jare ikɨambae vae,

LEVÍTICO 13:19

jare jókuae iyatii jendagüe pe iruru tïi yave, ani pɨ̈ta ävatï yave, toyeechauka sacerdote pe.

LEVÍTICO 13:42

Ërei jókuae iñäka raambae pe ani jesɨva raambae pe ipere tïi pɨ̈ta äve yave, pire mbaerasɨ ókui vae ko oë iñäka raambae pe ani jesɨva raambae pe.

LEVÍTICO 13:44

pire mbaerasɨ ókui vae ko, ikavimbae ko jare sacerdote jupiveiño tomombeu ikavimbae ko, echa iñäka re güɨnoi ipere vae.