LEVÍTICO 11:39 - Biblia Guarani Tumpa Iñee

³⁹ Mɨmba oyeu vae omano pegüi vae jëogüegüe oyavɨkɨ vae, tikɨa topɨta Tumpa jóvai pɨ̈tu regua;

LEVÍTICO 11:39 ပူးပေါင်းရင်းမြစ်များ

EZEQUIEL 4:14

Jare che jae chupe: “¡Atataɨ cheYa!, che aikove aiko ramboeve mbaetɨi apoko mbae ikɨa oï Tumpa jóvai vae re; mbaetɨi jau mɨmba omanoiño vae isoo, ani mbaeporou jembia, mbaetɨi jau soo ikɨa oï Tumpa jóvai vae.”

LEVÍTICO 11:24

Kuae mɨmba reta rupi peyemongɨa: Oipotagüe oyavɨkɨ jókuae jëogüegüe vae tikɨa topɨta Tumpa jóvai pɨ̈tu regua.

LEVÍTICO 11:28

Jare güɨraja jókuae jëogüegüe vae, toputuka jemimonde reta jare tikɨa topɨta Tumpa jóvai pɨ̈tu regua, jare peumbae vaerä toyogüɨreko.

LEVÍTICO 11:31

Opaete mɨmba reta güi, jókuae reta peumbae vaerä toyogüɨreko. Jare oipotagüe oyavɨkɨ jëogüegüe vae tikɨa topɨta Tumpa jóvai pɨ̈tu regua.

LEVÍTICO 11:38

ërei mbae jäɨ oñeotɨta vae oyemboruru oï vae re oa yave kuae mbae jëogüegüe, tikɨa topɨta Tumpa jóvai.

LEVÍTICO 11:40

jare jókuae mɨmba jëogüegüe isoo jou vae, toputuka jemimonde jare tikɨa topɨta Tumpa jóvai pɨ̈tu regua; jaeramiño vi jókuae mɨmba jëogüegüe güɨraja iyeupe vae, toputuka jemimonde jare tikɨa topɨta Tumpa jóvai pɨ̈tu regua.

LEVÍTICO 14:46

Jare oipotagüe oike yave jókuae o pe oyeokenda oï reve chiu ara rupi, tikɨa topɨta Tumpa jóvai pɨ̈tu regua.

LEVÍTICO 15:15

Jare sacerdote tomee metei mbota mbaeyoa regua, jare ïru mɨmba oyeyukagüe opaetei oyeapɨ vae peguarä; jökorai sacerdote toitɨo cheróvai jókuae kuimbae imbaerasɨ güi taɨ oë vae.

LEVÍTICO 15:5

Jare oipotagüe oyavɨkɨ yave jókuae tupa, toputuka jemimonde reta; jare jae etei toyau vi jare tikɨa topɨta Tumpa jóvai pɨ̈tu regua.

LEVÍTICO 15:7

Jaeramiño vi kia oyavɨkɨ yave jökorai imbaerasɨ vae jete, toputuka jemimonde reta jare jae etei toyau vi, jare tikɨa topɨta Tumpa jóvai pɨ̈tu regua.

LEVÍTICO 16:26

Jare jókuae kuimbae güɨraja oeya kavara kuimbae ñuu pe, Azazel pe vae, toputuka jemimonde reta, jare toyoe vi jete ɨ pe, jaɨkue rupi toike teyupa pe.

LEVÍTICO 17:15

Oipotagüe Israel iñemuña reta güi ani ketɨgua reta güi jou yave mɨmba omanoiño vae ani mɨmba pochɨ vae ñana rupigua jembia, toputuka jemimonde reta jare jae etei toyau vi, jare tikɨa topɨta Tumpa jóvai pɨ̈tu regua. Javoi topɨta ikɨambae.

LEVÍTICO 22:4

Oipotagüe kuimbae Aarón iñemuña reta güi ipire mbaerasɨ ókui vae ani imbaerasɨ güi taɨ oë vae, agüɨye tou mbaembae oñeñono tee vae güi, okuera güire oyetɨo regua. Kia nunga vae oyavɨkɨ yave mbae tëogüe rupi ikɨa vae, ani kuimbae imbaerasɨ güi taɨ oë vae,

LEVÍTICO 22:6

jókuae kuimbae tikɨa topɨta Tumpa jóvai pɨ̈tu regua, jare agüɨye tou jókuae mbota oñeñono tee vae güi, ndei jete oyoe mbove.

LEVÍTICO 22:8

Mɨmba omanoiño vae ani mɨmba pochɨ vae ñana rupigua jembia agüɨye tou, agüɨye toyemongɨa pɨpe. Che ko peYa.

NÚMEROS 19:11

Kia nunga vae oyavɨkɨ yave oipotagüe kia jëogüe, tikɨa topɨta Tumpa jóvai chiu ara.

NÚMEROS 19:16

Jare oipotagüe oyavɨkɨ yave kia jëogüe ñana pe oï vae, kɨsepuku pe omano vae, ani omanoi vae, ani kia ikägüegüe, ani tɨvɨa, chiu ara tikɨa topɨta Tumpa jóvai.

NÚMEROS 19:7

jaɨkue rupi sacerdote toputuka jemimonde jare toyoe vi jete ɨ pe, javoi toike teyupa pe; ërei tikɨa topɨta Tumpa jóvai pɨ̈tu regua.