LEVÍTICO 11:32 - Biblia Guarani Tumpa Iñee

³² Jare kuae reta jëogüegüe oa yave mbaembae reta re, tikɨa topɨta Tumpa jóvai. Mbae ɨvɨra pegua, temimonde, mɨmbapire, urupuku, oipotagüe tembiporu mbaravɨkɨ pegua, toñeñono ɨ pe jare tikɨa topɨta Tumpa jóvai pɨ̈tu regua; jare jaɨkue rupi topɨta ikɨambae.

LEVÍTICO 11:32 ပူးပေါင်းရင်းမြစ်များ

LEVÍTICO 11:31

Opaete mɨmba reta güi, jókuae reta peumbae vaerä toyogüɨreko. Jare oipotagüe oyavɨkɨ jëogüegüe vae tikɨa topɨta Tumpa jóvai pɨ̈tu regua.

LEVÍTICO 14:46

Jare oipotagüe oike yave jókuae o pe oyeokenda oï reve chiu ara rupi, tikɨa topɨta Tumpa jóvai pɨ̈tu regua.

LEVÍTICO 15:12

Jókuae imbaerasɨ vae oyavɨkɨ ɨvɨyapepo yave, toyeyoka, jare opaete ɨvɨra ñae toyeyoe ɨ pe.

LEVÍTICO 15:15

Jare sacerdote tomee metei mbota mbaeyoa regua, jare ïru mɨmba oyeyukagüe opaetei oyeapɨ vae peguarä; jökorai sacerdote toitɨo cheróvai jókuae kuimbae imbaerasɨ güi taɨ oë vae.

LEVÍTICO 16:26

Jare jókuae kuimbae güɨraja oeya kavara kuimbae ñuu pe, Azazel pe vae, toputuka jemimonde reta, jare toyoe vi jete ɨ pe, jaɨkue rupi toike teyupa pe.

LEVÍTICO 17:15

Oipotagüe Israel iñemuña reta güi ani ketɨgua reta güi jou yave mɨmba omanoiño vae ani mɨmba pochɨ vae ñana rupigua jembia, toputuka jemimonde reta jare jae etei toyau vi, jare tikɨa topɨta Tumpa jóvai pɨ̈tu regua. Javoi topɨta ikɨambae.

LEVÍTICO 22:6

jókuae kuimbae tikɨa topɨta Tumpa jóvai pɨ̈tu regua, jare agüɨye tou jókuae mbota oñeñono tee vae güi, ndei jete oyoe mbove.

LEVÍTICO 6:28

Jare ɨvɨyapepo oyemboyɨ jókuae soo pɨpe vae, toyeyoka; ërei oyemboyɨ yave yapepo jiero iyu vae pegua pe, toyekɨtɨ jare toyeyoe ɨ pe.

NÚMEROS 19:15

Oipotagüe mbaerɨru oyepea oï vae, ani oyeokenda kavimbae oï vae, tikɨa topɨta Tumpa jóvai.

NÚMEROS 19:7

jaɨkue rupi sacerdote toputuka jemimonde jare toyoe vi jete ɨ pe, javoi toike teyupa pe; ërei tikɨa topɨta Tumpa jóvai pɨ̈tu regua.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.