LEVÍTICO 10:19 - Biblia Guarani Tumpa Iñee

¹⁹ Jare Aarón jei Moisés pe: —Mase añave omee reta ma mɨmba oyeyuka Tumpa iñɨ̈ro vaerä mbaeyoa re vae, jare mɨmba oyeyukagüe opaetei oyeapɨ yandeYa jóvai vae, jare che asusere aï re katu kuae oasa che ndive. Jau yave jókuae mɨmba oyeyukagüe Tumpa iñɨ̈ro vaerä mbaeyoa re vae, ¿ambopɨakatuta ra yandeYa?

LEVÍTICO 10:19 ပူးပေါင်းရင်းမြစ်များ

ISAÍAS 1:11

YandeYa jei: “¿Jeta mɨmba oyeyukagüe pemee vae, mbae ra pa ikavita cheve? Chembogüérai ma mbota vecha kuimbae reta oyeyukagüe opaetei oyeapɨ vae, jare mɨmba ikɨragüe; toro reta, vecha kuimbae reta jare kavara kuimbae reta jugüɨgüe mbaetɨ ma aipota.

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 6:20

Judá, ¿maera pa reru cheve ikäti kavi vae incienso Sabá pegua, jare mbae ikäti kavi yae vae matɨ güi? Mbaetɨ ikavi ndeve mɨmba oyeyukagüe opaetei oyeapɨ vae, ani ïru mɨmba oyeyukagüe reta ave mbaetɨ ndembopɨakatu.”

OSEAS 9:4

mbaetɨta yandeYa pe pemee mbota vino oyepɨyere vae, mbaetɨta vi pemee mɨmba oyeyukagüe. Mbɨyape peu vae, manoa pe ramita, jókuae mbɨyape jou vae, ikɨata Tumpa jesa róvai. Jókuae mbɨyape peveguaräño, jókuae nunga mbɨyape mbaetɨta oyereroike tupao pe.

LEVÍTICO 10:20

Moisés oendu yave kuae re, ipɨakatu opɨta.

LEVÍTICO 9:12

Jaeramiño vi Aarón oñaseokɨ̈ti mɨmba opaeteita oyeapɨ vae, jare taɨ reta güɨraja omee jugüɨgüe, jare jókuae tugüɨ pe oñapiramo mɨmba oyeyuka oyeapɨ jese vae iyɨke yɨke re.

LEVÍTICO 9:8

Jayave Aarón oya katu mɨmba oyeyuka oyeapɨ jese vae re, jare oñaseokɨ̈ti toro taɨrusu vae, Tumpa iñɨ̈ro vaerä iyoa re.

MALAQUÍAS 1:10

¡Mbae mona pegüi reta oime kia oyokenda tupao guasu ikësea jöke, agüɨye vaerä oyemoendɨiño tata mɨmba oyeyuka oyeapɨ jese vae pegua! Echa pe mbaetɨ chembopɨakatu jare ngaraa aipɨɨ mbota peru vae.

MALAQUÍAS 1:13

Jare pere ye: “¡Orembogüérai yae ma kuaekuae!” Jare chereröɨro; peru mbotarä peñomigüe, iköchogüe, imbaerasɨgüe. ¿Aipɨɨta pa jókuae nunga pegüi?

MALAQUÍAS 2:13

Jare jekuae peñova yeta tesaɨ pe mɨmba oyeyuka oyeapɨ jese vae yandeYa imbae, yaeo pe, täse reta pe; jayave ngaraa ye ma amae mbota re aipɨɨ vaerä chepɨakatu reve pepo güi.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 26:14

Jókuae güi, mbaetɨ etei jau aï yave mbɨatɨtɨ pe, ani nderóvai chekɨa aï reve, jare mbaetɨ arökuavee tumpa-raanga reta pe yepe. Ayapo neñee, ayapo opaete nde cheokuai rami.

Filipenses 4:4

Peyerovia katu avei yandeYa re. ¡Peyerovia katu avei!

Hebreos 7:27

jae mbaetɨ omee mɨmba oyeyukagüe jókuae ïru sacerdote tenondegua ete reta ara ñavo omee rami, echa jae reta tenonde omee iyoa re räri jare jaɨkue rupi opaete vae reta re. Ërei Jesús jae etei oñemee metei veseño jekuae avei pegua.

Hebreos 9:8

Jökorai Espíritu Santo oikuaauka ndeiño oyepea opaete vae pe cuarto Oñeñono tee kavi yae vae, oimeño vɨteri ramboeve tupao guakapi pegua.