LEVÍTICO 10:14 - Biblia Guarani Tumpa Iñee

¹⁴ Jaeramiño vi nderaɨ reta jare nderayɨ reta ndive peu ikɨambaea pe, ipɨtiagüe jare iugüe oñererökuavee vae, echa ndembae ko jare nderaɨ reta imbae ko, mɨmba oyeyuka yembopɨakatu peguarä vae Israel iñemuña reta regua oñemee vae.

LEVÍTICO 10:14 ပူးပေါင်းရင်းမြစ်များ

ÉXODO 29:33

Tou reta jókuae mɨmba oyeyukagüe mbaeyoa oyemboai vaerä oyeapo vae, oñeñono tee reta sacerdoterä yave oyapo reta vae; ërei agüɨye ambuae vae tou, echa oñeñono tee vae ko.

EZEQUIEL 42:13

Jare jei cheve: “Cuarto reta ñogüɨnoi ɨvɨtuguasu kotɨ jare arayevɨ kotɨ, ipombaea jóvai vae, cuarto reta oñeñono tee vae ko. Joko pe sacerdote reta oyeokuai yandeYa pe vae jouta mbota reta oñeñono teegüe; joko pe toñono reta mbota reta oñeñono tee vae, mbota reta ñɨ̈ro pegua, jare mɨmba oyeyuka oyeapɨ mbaeyoa regua vae, echa kuae cuarto reta oñeñono tee vae ko Tumpa peguarä.

LEVÍTICO 10:13

Jare peu oñeñono teea pe, echa kuae ko ndeveguarä jare nderaɨ reta peguarä, mbota reta oyeapɨ yandeYa pe vae, jökorai yandeYa cheokuai.

LEVÍTICO 22:13

Ërei sacerdote tayɨ imemano vae ani ime omombogüe jare mbaetɨ imembɨ, jökorai ou ye yave oiko tu jo pe tenonde taɨrusu yave oikose rami, ipuere jou tu jembíu. Ërei sacerdote iñemuña peguambae reta mbaetɨ ipuere jou mbota reta oñeñono tee vae güi.

LEVÍTICO 9:21

ërei ipɨtiagüe, iu iyakatu kotɨgua ndive, güɨrökuavee mbota oñererökuavee oñemee yandeYa pe vae, yandeYa oyókuai Moisés vae rami.

NÚMEROS 18:11

Amee vi ndeve, nderaɨ reta jare nderayɨ reta yogüɨreko nde ndive vae pe, opaete mbota Israel iñemuña reta omee cheve vae güi, jekuae avei pegua; opaete ndero pegua oyetɨo Tumpa jóvai vae ipuere jou jókuae güi.

NÚMEROS 5:9

Opaete mbaemboepɨ oñemoïru reve ani mbota oñeñono tee Tumpa pe vae güi Israel iñemuña reta omee yave sacerdote pe, topɨta jae imbaerä.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.