LAMENTACIONES 5:7 - Biblia Guarani Tumpa Iñee

⁷ Oreñemuñagüe reta iyoa, jare opa ma omano; ërei ore roiporara jae reta iyoa re.

LAMENTACIONES 5:7 ပူးပေါင်းရင်းမြစ်များ

GÉNESIS 42:13

Jae reta jei: —Ore nderembiokuai reta doce metei tu vaeño ko, metei kuimbae Canaán pegua taɨ reta; orerɨvɨ taɨkuegua opɨtaño oreru ndive, jare ïru mbaetɨve ma oiko.

GÉNESIS 42:36

Jayave tu Jacob jei chupe reta: —Opa pemokañɨtei cheraɨ reta peï chegüi; José mbaetɨve ma oiko yande ndive, Simeón jaeramiño vi, ¡jare peraja yeta ma Benjamín chegüi! ¡Opaete kuaekuae ikavimbae reta chepɨatɨtɨrä ko!

JOB 7:21

¿Maera pa mbaetɨ reekɨ chegüi chepɨa pochɨ? ¿Mbaetɨ pa ndepuere neɨ̈ro cheve cheyoa re? Jarembae amanota ete ma, pɨareve chereeka yave, mbaetɨta ma aiko.

JOB 7:8

Chereechase vae reta ngaraa ye ma chereecha. Nde remae cheré yave, ngaraa ma chereecha, echa mbaetɨta ma aï.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

JEREMÍAS 14:20

CheYa, mbaetɨ roikuaku oreyoa, jare oreñemuñagüe reta iyoa; oreyoa ko ndekotɨ.

JEREMÍAS 16:11

Jayave nde ere chupe reta: ‘YandeYa jei: Peñemuñagüe reta chereeya jare omboete reta tumpa-raanga reta; oyeokuai jare oyetavatɨka reta chupe reta; chereeya reta jare mbaetɨ oyapo reta cheporookuai.

JEREMÍAS 16:12

Jare pe reta oasa ete ye peyapo ikavimbae jókuae peñemuñagüe reta güi, echa metei ñavo peyapo pepɨa jemimbotaño, mbaetɨ peyeapɨsaka cheré.

JEREMÍAS 31:15

YandeYa jei: “Ramá pe oyeendu yaeo, tesaɨ jare yaeo yemboasɨkatu pegua; Raquel ipɨatɨtɨ oï imembɨ reta re, jare mbaetɨ oipota oyembopɨakatuka, echa opa omano reta.”

JEREMÍAS 31:29

Jókuae ara rupi ngaraa ye ma jei reta: ‘Tu reta jou uva jayasɨgüe jare taɨ reta jäi iyeɨ.’

EZEQUIEL 16:58

Añave reropɨata ikavimbae yae reyapogüe re. Che ndeYa jae.

EZEQUIEL 18:2

“¿Maera pa Israel pe mbaetɨ pekuérai pere kuae ñee arakuaa pegua: ‘Kuimbae reta jou uva jayasɨ vae, jare taɨ reta jäi-yeɨ’?

ZACARÍAS 1:5

Jare añave, ¿jama pa peñemuñagüe reta? Jare ñeemombeúa reta, ¿yogüɨreko aveita pa?

NÚMEROS 14:18

Tumpa mbaetɨ iyarasɨ raivi, jare tuicha yae iporoparareko, mbaeyoa jare pɨapochɨ re iñɨ̈ro, ërei jeko vae mbaetɨ oeya jökoraiño; jare oitɨ iyarasɨ tenondegua reta iyoa jeko pegua taɨ reta re, jare jɨmɨmino reta re, jɨmɨmino reta jɨmɨmino yoapɨ ye re.