LAMENTACIONES 5:5 - Biblia Guarani Tumpa Iñee

⁵ Roiko yeokuaiasɨ katu rupi; orekangɨ yae ma. Mbaetɨ oreveguarä mbutuu.

LAMENTACIONES 5:5 ပူးပေါင်းရင်းမြစ်များ

JEREMÍAS 27:2

“Eyapo ndeyeupe kuyunda jare metei yuvo, javoi eñono ndeayu re.

JEREMÍAS 27:8

Oime yave kia nunga vae tëtaguasu ani metei mborookuaía mbaetɨ oñemee Nabucodonosor ipo pe, che aiporaraukata chupe ñeraro rupi, karuai jare mbaerasɨ ovakatu vae rupi, opaete opɨta regua ipo pe. Che ndeYa ko jae kuae.

JEREMÍAS 28:14

Echa che ndeYa Imbaepuere yae ete vae Israel iTumpa, jae: Añono opaete tëtaguasu reta iyayu re yuvo jiero pegua, oyeokuai reta vaerä Nabucodonosor, mburuvicha guasu Babilonia pegua pe. Mɨmba ñana rupigua reta ave amee ipo pe.”

JEREMÍAS 51:58

Che, peYa Imbaepuere yae ete vae, jae: Babilonia ikësea ipɨguasu yae vae opaeteita oyemboai, jare jöke tuicha yae vae reta opata oyeapɨ. Oparavɨkɨiño ma tëtaguasu pegua reta, oparavɨkɨiño ma opa ókai vaerä.”

LAMENTACIONES 1:14

YandeYa etei oñapɨti chepɨapochɨ cheré, metei yuvo ipoɨgüe rami avoɨ anoi, jókuae chembopɨtu yae. YandeYa chemee mbaetɨta chepuere reta jese vae ipo pe.

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 4:19

Oreraɨkuemoña vae reta, iñäkua yae ete güɨraké güi; ¡oreraɨkuemoña ɨvɨtɨ rupi! ¡Okätɨro kavi reta ñuu rupi oreré!

MIQUEAS 2:3

Jáeramo yandeYa jei körai: “Mase, ko ayemongeta pekotɨ ikavimbae, kuae güi ngaraa etei pepuere peyeyora, ngaraa ave vi peäka pemopüa peguata, echa mbaesusere iara ko.

San Mateo 11:29

Peiko cheré, jare peyemboe che añemomichi ko vae re. Jare peväeta perekove oputuu vaerä.

Hechos 15:10

Jayave ¿maera pa peipota pemboavai Tumpa? Echa peñono oporogüɨrovia vae reta pe mbae yavaigüe, yande reta ani ñaneñemuñagüe reta ave mbaetɨ ipuere oyapo vae.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.