LAMENTACIONES 4:20 - Biblia Guarani Tumpa Iñee

²⁰ Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

LAMENTACIONES 4:20 ပူးပေါင်းရင်းမြစ်များ

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

GÉNESIS 44:30

“Echa cheru ovɨa yae ko jae ndiveño; jayave aja ye yave cheru jëta kotɨ jökoraiño;

2 SAMUEL 1:14

Jare David jei chupe: —¿Maera pa mbaetɨ reipoɨu reyuka yandeYa jembiparavo?

2 SAMUEL 1:21

¡Ɨvɨtɨ reta Gilboa pegua, agüɨye ye toa peré ɨsápɨi ani ama yepe, agüɨye toime mbaagüɨyerɨpɨ! Echa joko pe opa oyemombo ñeraro regua reta iyeopiaka. Saúl iyeopiaka mbaetɨ asaite pe oyepichɨ rami ñamɨri.

2 SAMUEL 18:3

Ërei isundaro reta jei chupe: —Agüɨye jökorai oreruvicha, echa tovaicho reta pe mbaeä etei ko ore rotekuarai yave, ani oregüi omano yave mbɨte rupi; ërei nde ko ndereepɨ yae diez mil sundaro reta rami. Jáeramo, ikavi ko repɨta kuae tëta guasu peño, kuae güi remondo vaerä yemborɨ oreve.

2 SAMUEL 19:21

Jayave Abisai, Sarvia imembɨraɨe jei: —¿Mbaetɨta pa omano Simei, iñee jasɨ katu mburuvicha guasu yandeYa jembiparavo kotɨ vae?

2 CRÓNICAS 35:25

Jare Jeremías oyapo metei tairari mbɨatɨtɨ pegua Josías imano re. Opaete kuimbae jare kuña oikatu otairari vae reta omboaɨkuere kuae tairari reta mbɨatɨtɨ pegua Josías re añave rupi. Kuae tairari oñejäa opaete Israel pe jare oime oyekuatía oï tairari reta mbɨatɨtɨ pegua oyekuatiaa pe.

ISAÍAS 32:2

Jókuae mburuvicha guasu oïta ɨvɨtuai güi ñañemi jese vae rami, ani okɨrai vae güi ñañemi pɨpe vae rami, ani ɨvɨ otinía pe oime ɨ̈aka raɨ rupi ɨ vae rami, ani ɨ̈vavira iküaraɨa araku yaea pe oï vae rami.

JEREMÍAS 39:5

Ërei ngatu sundaro Caldeaɨgua reta oaɨkuemoña, jare oupitɨ reta Sedequías ɨvɨpe kavi Jericó pegua pe. Oipɨɨ reta jare güɨraja mburuvicha guasu Nabucodonosor jóvai, Ribla pe jae oïa pe, ɨvɨ Hamat pe. Joko pe mburuvicha guasu Nabucodonosor jei mbae oyapo vaerä chupe reta: Javoi Sedequías jovakei opa taɨ reta oñaseokɨ̈ti, jare opaete Judá pegua mburuvicha reta.

JEREMÍAS 52:8

Ërei ngatu sundaro reta Caldeaɨgua oaɨkuemoña mburuvicha guasu Sedequías, jare oupitɨ reta ɨvɨpe kavi Jericó pegua pe. Jare opaete isundaro reta oeya.

JEREMÍAS 52:9

Oipɨɨ reta jare güɨraja mburuvicha guasu Nabucodonosor jóvai, Ribla pe jae oïa pe, ɨvɨ Hamat pe. Joko pe Nabucodonosor jei Sedequías kotɨ kërai oiporarauka vaerä chupe.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 12:13

Ërei che amombota chepɨsa jese jare aipɨɨta, jare amondoukata Babilonia pe Caldeaɨgua reta iɨvɨ pe, ërei jae ngaraa ipuere oecha jókuae ɨvɨ; joko pe omanota.

EZEQUIEL 17:18

Echa mbaetɨ ombopo iñee jare omboeteä morogüɨrökuavee päve; jae yepe oñererökuavee tëi, ërei oyapo ye kuae mbaembae reta. Jáeramo ngaraa oasayepe.

EZEQUIEL 31:17

Omanogüe reta ñogüɨnoi pe yogüɨrajata vi jae ndive, ñeraro pe omano vae reta, ipɨ̈rata jese vae reta, jae jembiangareko reta tëtaguasu reta rupi.

DANIEL 4:12

Jäka ipöra yae jare ia jeta yae, güɨnoi tembíu opaete vae peguarä. Iküaraɨa igüɨ pe ñogüɨnoi mɨmba reta ñana rupigua, jäka reta rupi oyemboaitɨ güɨra reta, jare chugüi oikove opaete vae reta.

OSEAS 13:10

¿Ketɨ pa oime oï peruvicha guasu, pereroasayepe vaerä opaete perëta guasu reta ndive? ¿Ketɨ pa oime ñogüɨnoi peruvicha reta, chupe reta peiporu mburuvicha guasu jare mburuvicha reta vae?

JUECES 9:15

Jare yuu jei: —Añetete ko peipota aiko peruvicha guasurä yave, opaete vae peiko jaegüe rupi, jare mbaetɨ yave oëta tata chegüi opa vaerä oapɨ ɨ̈vɨrare reta ɨvategüe Líbano pegua.

1 SAMUEL 12:3

Ko, aï peróvai: Oime yave apɨ̈ro kia igüeye, ani imburika, ani cheñee ndaye kia re, ani aiporarauka kia pe, ani aipɨɨ vɨari korepoti mbae re, pepuere chemboeko yandeYa jóvai jare mburuvicha guasu jóvai; jare tamboepɨ jókuae ayapogüe.

1 SAMUEL 12:5

Jare jae jei chupe reta: —YandeYa jare mburuvicha guasurä peiparavo vae jovake mbaetɨ peväe teko cheré. Jare jae reta jei chupe: —¡Jökorai ko!

1 SAMUEL 16:6

Jare jae reta yogüeru yave, Samuel oecha Isaí taɨrɨpɨ, Eliab jee vae, jei ipɨa pe: “Kuae kuimbae ko aipo jae cheYa oiparavogüe.”

1 SAMUEL 24:10

Añave ndepuere reecha kërai yandeYa nemee tëi chepo pe, reike yave ɨvɨkuarusu pe, cherupiegua reta jei tëi cheve royuka vaerä, ërei cheɨ̈ro ndeve, echa jae cheyeupe: “¡Ngaraa amopüa chepo cheruvicha guasu re, echa yandeYa oiparavogüe ko!

1 SAMUEL 24:6

Jare jei jupiegua reta pe: —¡YandeYa tacheövatu agüɨye vaerä ayapo mbae ikavimbae vae cheya pe! Jae ko mburuvicha guasu, ¡yandeYa oiparavogüe ko!

1 SAMUEL 26:16

Kuae reyapo vae mbaetɨ ikavi. Che jae yandeYa jee re peve, ikavi ko opa pemano, echa mbaetɨ peyangareko peruvicha guasu yandeYa oiparavogüe re. Añave emae, ¿ketɨ pa oime oï mburuvicha guasu imii jare iɨguarɨru iñäkandɨta iyɨpɨ pe oï vae?

1 SAMUEL 26:9

Ërei David jei chupe: —Agüɨye eyuka, echa kia oyuka yave yandeYa oiparavogüe, ngaraa jekombae opɨta.