LAMENTACIONES 3:56 - Biblia Guarani Tumpa Iñee

⁵⁶ Nde reendu cheñee; ¡reyeapɨsaka ayerure ndeve vae re!

LAMENTACIONES 3:56 ပူးပေါင်းရင်းမြစ်များ

2 CRÓNICAS 33:13

Jare oyerure yave, Tumpa oendu chupe iyerure, jare omee chupe ou ye vaerä Jerusalén pe oiko ye mburuvicha guasurä. Jayave Manasés oikuaa yandeYa jae ko Tumpa vae.

2 CRÓNICAS 33:19

Iyerure kërai oyemboyevɨ chupe vae, opaete iyoa regua, imbaeyavɨ regua jare mbaemboete renda ɨvɨtɨ rupigua reta omopüa vae, jare Asera iä reta oyapo vae jare tumpa-raanga reta, ndei oñemomichi Tumpa jóvai mbove vae regua, oime oyekuatía oï mbae re oecha voi vae reta jembikuatía pe.

JOB 34:28

Paravete jare yogüɨrekoasɨ katu vae reta jäse, ojo oväe Tumpa jóvai, jare jae oendu.

SALMOS 3:4

Asapúkai aiporu yemborɨ cheYa pe, jare jae oendu cheve iɨvɨtɨ oñeñono tee vae güi.

SALMOS 34:6

Che, paravete vae asapúkai jare yandeYa oendu cheve, jare chereepɨ opaete chepɨatɨtɨ güi.

SALMOS 5:2

Eyeapɨsaka kuae chesapúkai oyeendu vae re, cheRuvicha guasu jare cheRu Tumpa, echa ndeve ayerure.

SALMOS 5:3

CheYa Tumpa, ndeimbove yave eendu cheñee, ndeimbove yave añeñono nderóvai jare aäro.

SALMOS 55:1

CheRu Tumpa, eendu cheyerure, agüɨye emaeiño cheyerure re.

SALMOS 55:18

Jae chereepɨta, güɨroasayepeta cherekove ñeraroa pe, yepe tëi jeta cherovaicho.

SALMOS 55:2

Eïndaivi eï jare emboyevɨ cheve; chepɨatɨtɨ ayerure. Chepɨakaviä cherovaicho reta jeko pegua, jupimbae vae reta. Echa chembopɨatɨtɨ yae reta, oporepeña reta cheré iyarasɨ yae reve.

SALMOS 66:19

¡Ërei jae oyeapɨsaka cheré, oendu cheyerure amoñera reve vae!

ISAÍAS 38:5

ojo vaerä jei Ezequías pe: “Neñemuñagüe David iTumpa jei körai: ‘Aendu ndeyerure, aecha nderesaɨ. Ameeta ndeve quince año reiko ye vaerä.

DANIEL 9:17

Añave oreYa Tumpa, eendu che nderembiokuai iyerure jare iporomoñera; reyeaɨu jeko pegua cheYa, emae ikaviä yae ndero mbaemboetea opɨta vae re.

Romanos 8:26

Jaeramiño vi Espíritu Santo yandemborɨ, mbaetɨ ñanepɨ̈rata ramo. Echa mbaetɨ yaikuaa kërai yayerure vaerä jaekavi vae re, jáeramo Espíritu Santo etei oyerure yanderé Tumpa pe iä-yekɨi reve ñee ñajäa rapembae vae pe.