LAMENTACIONES 3:32 - Biblia Guarani Tumpa Iñee

³² Yepe tëi oiporarauka, ërei iporoparareko vi; echa iporoparareko tuicha yae ko.

LAMENTACIONES 3:32 ပူးပေါင်းရင်းမြစ်များ

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

SALMOS 103:11

echa ara ipɨguasu yae rami ko tuicha iporoparareko, chugüi oipoɨu vae reta kotɨ.

SALMOS 30:5

Echa jae iyarasɨ michi peguaño ko, ërei jae ipɨakavi mbaetɨ opa chugüi. Pɨ̈tu yave ou yaeo, ërei ndeimbove yave outa yerovia katu.

SALMOS 78:38

Ërei jae ko iporoparareko vae, iñɨ̈ro mbaeyoa re jare mbaetɨ oporomokañɨtei vae; ombosɨrɨ avei iyarasɨ, mbaetɨ omboyekuaa opaetei iyarasɨ.

ÉXODO 2:23

Kuae jaɨkue rupi, ɨma ma oasa yave, mburuvicha guasu Egipto pegua omano. Israel iñemuña reta jeieteño güɨroäse yeokuaiasɨ katu, jare ipɨatɨtɨ reve oyerure reta Tumpa pe; jare jae oendu jae reta iyerure yeokuaiasɨ katu jeko pegua.

ÉXODO 3:7

Jaɨkue rupi yandeYa jei ye: —Aecha kavi ko Egipto pe tëta chembae oï vae, jare aendu iyerure mbɨatɨtɨ reve vae, oiporara yae mbaravɨkɨ iyangarekoa reta güi jeko pegua; aikuaa katu ko jembiporara reta.

ISAÍAS 27:8

Tumpa oiporarauka tëta imbae vae pe, omondo ɨvɨ ambuae kotɨ, opa omoë omondo ɨvɨtuai pe rami, ɨvɨtuakuvo yae vae pe rami.

ISAÍAS 54:7

“Romombo michi pegua, ërei mboroparareko tuichagüe rupi rogüeru yeta.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

LAMENTACIONES 3:22

YandeYa iporoparareko jeko pegua mbaetɨ opa ñakañɨtei, echa mbaetɨi opa iporoparareko.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

NAHUM 1:12

YandeYa jei tëta imbae vae pe körai: “Yepe tëi Asiriaɨgua reta imbaepuere yae jare jeta yae jökorai reve opata oyemboai, opata okañɨtei reta. Che ko jeta aiporarauka ndeve, ërei ngaraa ye ma aiporarauka ndeve.

San Lucas 15:20

Jayave oyerova ye tu jëta kotɨ. Ërei mombɨrɨ peve tu oecha jare oiparareko. Jayave tu osɨi oövaiti taɨ, oiküava jare oovapɨte.

JUECES 10:16

Jare Israel iñemuña reta oeya tumpa ambuae reta jare oyerova ye reta omee mbaemboete yandeYa pe; jare yandeYa mbaetɨ ma güɨropɨa Israel iñemuña reta oiporara ñogüɨnoi vae.