LAMENTACIONES 2:9 - Biblia Guarani Tumpa Iñee

⁹ Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

LAMENTACIONES 2:9 ပူးပေါင်းရင်းမြစ်များ

2 REYES 25:7

Opa oñaseokɨ̈ti Sedequías taɨ reta jae jovake etei; jare Sedequías güi güɨnoe reta jesäɨ, jare oipokua reta karena pe güɨraja Babilonia kotɨ.

2 CRÓNICAS 15:3

Ɨma Israel iñemuña reta yogüɨreko tumpa añetembae ndive, isacerdotembae omboe vaerä jare mborookuaimbae.

NEHEMÍAS 1:3

Jare jei reta cheve: “Jókuae jembɨregüe reta, oasayepe tembipɨɨ güi vae reta, jókuae ɨvɨ pe opɨtagüe reta mbaetɨ etei ikavi ñogüɨnoi, ñemomarai rupi yogüɨreko reta; jare Jerusalén ikësea opa oyemboai oï, jare jöke reta opa oyeapɨ.”

SALMOS 74:9

Mbaetɨ ma roecha romokañɨmaa oreyeupe vae; mbaetɨ ma ñeemombeúa ave, mbaetɨ vi kia orepɨte pe oikuaa kuae kërai yave regua ra oikota vae.

ISAÍAS 24:12

Opa oyemboai opɨta kuae tëta guasu, opa oñemopë öke reta.

JEREMÍAS 14:14

Jayave yandeYa jei cheve: “Jókuae ñeemombeúa reta omoërakua cheree re vae, iyapu ko. Che mbaetɨ ko ambou reta, mbaetɨ vi ayókuai reta, mbaetɨ etei chemiari ave jae reta ndive. Oecha reta apu jare jaangaño ko, iyeugüi aeño jei omoërakua jókuae ñeemombeúa reta.

JEREMÍAS 23:16

YandeYa Imbaepuere yae ete vae jei: “Israel iñemuña reta, agüɨye peyapo ñeemombeúa reta omoërakua peve vae. Omombeu peve vae apu ko, iyeugüi aeño ko jei reta, che mbaetɨ ko jae chupe reta.

JEREMÍAS 39:2

Jare onsea año, irundɨ yasɨa, ara chaúa pe, Sedequías oiko mburuvicha guasurä yave, tovaicho reta omombu tëta guasu ikësea,

JEREMÍAS 39:8

Javoi Caldeaɨgua reta oapɨ mburuvicha guasu jo jare o reta tëta guasu pegua, jare opa ombosururu reta tëta guasu Jerusalén ikësea.

JEREMÍAS 51:30

Sundaro jëia vae reta Babilonia pegua mbaetɨ ma oñoraro, oñepɨ̈ro reta iñemika pe; mbaetɨ ma ipuere reta, kuñaecha opɨta reta. Jo reta opa oyeapɨ, jöke reta imotätaa opa oyeakɨo.

JEREMÍAS 52:14

jare opaete sundaro Caldeaɨgua reta yogüeru jókuae sundaro ruvicha ndive vae, güɨroyere ombosururu reta Jerusalén ikësea.

LAMENTACIONES 1:3

Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 4:15

Opaete jei chupe vae: “¡Pesɨrɨ, jókuae ikɨa Tumpa jóvai vae güi! ¡Pesɨrɨ chugüi! ¡Agüɨye peyavɨkɨ!” Opa otekuarai reta jare opa oñemoai moai reta. Tëtaguasu reta jei oyoupe: “Ngaraa etei ma yogüɨreko ye kuae pe.”

LAMENTACIONES 4:20

Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

EZEQUIEL 12:13

Ërei che amombota chepɨsa jese jare aipɨɨta, jare amondoukata Babilonia pe Caldeaɨgua reta iɨvɨ pe, ërei jae ngaraa ipuere oecha jókuae ɨvɨ; joko pe omanota.

EZEQUIEL 17:20

Amombota chepɨsa jese jare aipɨɨta pɨpe; arajata Babilonia pe, joko pe ajäata mbaetɨ ramo jupi oiko cheve.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

OSEAS 11:6

Outa ñeraro jëta guasu reta re, opata omboai tëta raɨ reta, oyemongeta reta ikavimbae oyapo vaerä jeko pegua.

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

AMÓS 1:5

Amopëta Damasco jöke reta oyeokenda tëi ñogüɨnoi pɨpe vae; amboaita tëta ɨvɨtɨ päu Avén pe yogüɨreko vae reta, jare Bet-edén pegua mburuvicha reta; jare tëtaguasu Siria pegua reta opata oyereraja tembipɨɨrä tëta Kir pe.” Jei yandeYa.

DEUTERONOMIO 28:36

YandeYa opata pererajauka jare peruvicharä peiparavo vae ndive, tëtaguasu mbaetɨ peikuaa jare peñemuñagüe reta ave mbaetɨ oikuaa vae kotɨ. Joko pe peyeokuaita tumpa ambuae ɨvɨra pegua jare ita pegua pe.

DEUTERONOMIO 28:63

YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.