LAMENTACIONES 2:6 - Biblia Guarani Tumpa Iñee

⁶ Jo guakapi pegua omboai, küaraɨa ñairaka pegua oyemboai rami; yemboatɨa renda opa omboai. YandeYa opa omoakañɨ Sión pegua reta arete reta mbaemboete pegua güi jare ara reta mbutuu pegua güi. Iyarasɨ jeko pegua opa omombo mburuvicha guasu jare sacerdote.

LAMENTACIONES 2:6 ပူးပေါင်းရင်းမြစ်များ

SALMOS 74:7

Oyatapɨ reta ndero mbaemboetea re; ¡omboeteä reta ndero nderee oï pɨpe vae, opa omboai reta oeya ɨvɨ rupi!

SALMOS 76:2

Jerusalén pe oï itupao guakapi pegua, ɨvɨtɨ Sión re oï jae oikoa.

SALMOS 80:12

¿Maera pa ikësea opa remboai, jare remaeño oipoo iagüe, jokoropi oasa vae reta?

SALMOS 89:40

Opaetei remboasavi ikësea reta chugüi; ¡reipoepɨ tëta guasu reta tëtagüerä!

ISAÍAS 1:13

Agüɨye mo peru raangaiño mbota cheve; ikäti kavi vae incienso pɨ̈chɨi yae ko cheve; arete reta yasɨ pɨau jare ara mbutuu iara, peyomombarandu peyomboatɨ vae mbaetɨ chepuere aropɨa; pearete reta ikavi yae peyapo vae, ikaviä yae ko cheve.

ISAÍAS 1:8

Jare jaeño opɨta Sión, uvarupa pe tapɨi oï rami, jare melon-rupa pe o raɨ oï rami, tëta guasu, tovaicho opa omboaigüe rami.

ISAÍAS 43:28

peruvicha reta omongɨa chero mbaemboetea; jáeramo, tëta Israel, Jacob iñemuña reta amaeño opa okañɨtei jare oyeyoyaiuka.”

ISAÍAS 5:5

Tamombeu peve, mbae ko ayapota cheuvarupa pe vae: Opata aekɨ chugüi ikësea, opa vaerä okañɨtei; opata ayoka chugüi ikësea, opa vaerä opɨ̈ro jese vae;

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

ISAÍAS 63:18

¡Mbovɨ año rupiño ndembae vae reta oñeñono tee vae yogüɨreko ɨvɨ iyarä! Orerovaicho reta opa omboai ndero mbaemboetea pegua.

ISAÍAS 64:11

Orembaemboetea ikavi yae vae, oreñemuñagüe reta pɨpe ndemboete yepi vae, opa oyemboai tata pe. ¡Opaete mbaembae roaɨu yae yepi vae, opa oyemboai!

JEREMÍAS 17:27

Ërei pe reta mbaetɨ yave peyapo cheporookuai, peñono tee vaerä cheve ara mbutuu, jekuaeño peroike pevoɨta Jerusalén jöke rupi yave, che ayatapɨta jókuae öke reta re, jare opata oapɨ o kavi reta Jerusalén pegua, jare ngaraa kia ipuere ombogüe.’ ”

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 45:4

Jare cheokuai jae vaerä ndeve: ‘Che amopüagüe amboai, jare añono jenda pe vae amokañɨtei. Jökoraita ko ayapo opaete ɨvɨ.

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

LAMENTACIONES 1:4

¡Sión kotɨ tape reta ojo vae kïrii ngatu mbɨatɨtɨ jeko pegua! ¡Mbaetɨ etei kia ou arete reta mbaemboete pegua pe vae! Tëta guasu öke reta opaetei oyemboai, isacerdote reta oyaeo, ikuñatai reta ipɨatɨtɨ, jare Jerusalén ipɨatɨtɨ yae vi.

LAMENTACIONES 4:16

Tumpa iyarasɨ rupi opa omoai moai, ngaraa ye ma omae jese reta. Echa mbaetɨ omboete reta sacerdote reta, mbaetɨ etei iporoparareko reta ndechi reta re ave.

LAMENTACIONES 4:20

Oa tembipɨɨrä yandeYa jembiparavo, ñanemoäta ngatuse vae, jókuae mburuvicha guasu re yande yaese körai: “Jae iporoangareko rupi yaikota tëtaguasu reta ipɨte rupi.”

LAMENTACIONES 5:12

Oipokua reta mburuvicha ombosagüɨu; mbaetɨ omboete reta ndechi reta.

EZEQUIEL 17:18

Echa mbaetɨ ombopo iñee jare omboeteä morogüɨrökuavee päve; jae yepe oñererökuavee tëi, ërei oyapo ye kuae mbaembae reta. Jáeramo ngaraa oasayepe.

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

SOFONÍAS 3:18

YandeYa jei: “Amboatɨta ɨma rupi ma oiporara yogüɨreko vae reta, ndembae areta ko, chupegua reta ñemomarai pe rupi yogüɨreko vae, ipoɨ yae ko.

MALAQUÍAS 2:9

Jáeramo che pogüɨröɨroukata opaete tëta pegua pe, echa pe reta mbaetɨ peyapo cheremimbota, jare mborookuai re peporomboe yave peyoparavoño.”