LAMENTACIONES 2:4 - Biblia Guarani Tumpa Iñee

⁴ Metei tovaicho omoata kavi igüɨrapa vae rami, oyapo katu iyɨva, metei tovaicho oyeapo katu rami, jare omboai, ipöra yae yepi vae; iyarasɨ ombou tata rami, Sión pegua reta jeyupa re.

LAMENTACIONES 2:4 ပူးပေါင်းရင်းမြစ်များ

2 CRÓNICAS 34:21

—Pekua peparandu yandeYa pe cheré, jare Israel pe jare Judá pe jembɨregüe reta re, kuae tembikuatía pe ñee reta oñeväe vae regua; echa yandeYa iyarasɨ yae ko aipo yandekotɨ, echa ñaneñemuñagüe reta mbaetɨ oipota oendu kuae yandeYa iñee reta, mbaetɨ vi oyapo reta opaete kuae tembikuatía pe oyekuatía oï vae.

2 CRÓNICAS 34:25

Echa chereeya reta jare oapɨ reta ikäti kavi vae incienso tumpa ambuae reta pe, chemboarasɨuka reta opaete oyapogüe reta rupi; jáeramo chearasɨ opüa kuae tëta reta kotɨ jare mbaetɨta chearasɨ poi.’

JOB 19:11

Iyarasɨ yae chekotɨ, jare cheñono jovaicho reta ipɨte pe.

JOB 6:4

Echa Imbaepuere yae ete vae cheɨ̈vo juvɨ reta pe, imbayachi jasɨ yae cheve, Tumpa ombou cheve kɨɨye yavaetegüe.

SALMOS 37:14

Iyoa vae reta güɨnoe ikɨsepuku jɨru güi jare omoata igüɨrapa, oyuka vaerä paravete vae jare mbae oata chupe vae, ¡oyuka vaerä jeko kavi vae reta!

SALMOS 7:13

¡Oñono kavi ma vi tembiporu oporoyuka vae, uvɨ jendɨ vae!

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 63:10

Ërei jae reta ipɨapochɨ yae yandeYa kotɨ, jare omboarasɨuka reta iespíritu; jáeramo oyemboyovaicho jae reta ndive, jare jae etei oñeraro jae reta ndive.

ISAÍAS 63:6

Chearasɨ rupi opaetei amboai tëtaguasu reta, opa amboai reta chearasɨ rupi, jare jugüɨ apɨyere chugüi reta ɨvɨ rupi, jei yandeYa.

JEREMÍAS 10:20

Chero guakapi pegua oyemboai oï, opaetei iïcha oso. Chemembɨ reta opa chereeya, ¡mbaetɨ ma oikove reta! Mbaetɨ ma kia omopüa ye vaerä chero guakapi pegua, asoya o imboyaoa omoata vaerä ave mbaetɨ.

JEREMÍAS 21:5

Che etei añorarota pe ndive, opaete chembaepuere ndive jare chearasɨ yae reve.

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

JEREMÍAS 36:7

Güɨramoi jayave oyerure reta yandeYa pe jare oeya reta jeko ikavimbae vae, echa yandeYa iyarasɨ omoërakua kuae tëta kotɨ vae yavaete yae vae ko.”

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 42:18

YandeYa Imbaepuere yae ete vae Israel iTumpa, jei: ‘Chearasɨ tuichagüe aitɨ Jerusalén pegua reta re rami, chearasɨ aitɨta vi peré, peo yave Egipto kotɨ. Peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä, yeyóyai yoyairä, jare ngaraa ye ma peyerova kuae peɨvɨ pe.’

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

LAMENTACIONES 1:13

Ɨvate güi ombou tata, chekägüe reta oapɨ vae; cheraperä pe oñono ñuai, jare chemboyerova ye; chemboai chereeya, ara ñavo aiporara yae.

LAMENTACIONES 2:5

YandeYa oyemboyovaicho Israel pegua reta re, jare opa omboai; opaetei ombosururu jo kavi reta, opa omboai ñepɨ̈roka reta, ombojeiete mbɨatɨtɨ jare yaeo Judá pegua reta pe.

LAMENTACIONES 3:3

ara ñavo omopüa avei ipo chekotɨ.

LAMENTACIONES 4:1

¡Kërai ikɨa oro! ¡Kërai oro oyeambae mbaetɨ ma jembipe! O mbaemboetea pegua ita reta opaetei oñemoai ñogüɨnoi kaye rupi.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

EZEQUIEL 13:13

Jáeramo che peYa jae: Chearasɨ rupi ambouta ɨvɨtuai omboai vaerä jókuae oguambɨ; chearasɨ rupi ambouta ama guasu jare amandau ita rami vae omboai vaerä.

EZEQUIEL 20:34

Che pomboatɨta opaete ïru ɨvɨ rupi opa peñemoai moai peïa güi, chembaepuere pe jare chearasɨ aitɨ reve peré.

EZEQUIEL 22:22

Korepoti oyemondɨkui horno pe rami, peyembondɨkuita tëta guasu pe. Jayave pe reta chekuaata che peYa ko aitɨ chearasɨ peré vae.”

EZEQUIEL 24:25

Jare nde kuimbae, jókuae ara apɨ̈ro yave Israel iñemuña reta güi iñepɨ̈roa, jae ko tupao, ipöra re oyerovia yae reta, oaɨu yae reta vae. Apɨ̈rota vi chugüi reta taɨ jare tayɨ reta.

EZEQUIEL 36:18

Jáeramo aitɨ chearasɨ jese reta, oporoyuka reta ramo jókuae ɨvɨ pe; echa omongɨa reta, omboete reta tumpa-raanga reta vae rupi.

EZEQUIEL 5:13

Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

EZEQUIEL 6:12

Mombɨrɨ ñogüɨnoi vae omanota mbaerasɨ ovakatu vae rupi, köiño oï vae omanota ñeraro rupi jare jembɨregüe karuai oyukata. Jökorai chearasɨ aitɨta jese reta.

EZEQUIEL 7:14

Omoñee reta mimbɨguasu oporoenɨi vaerä ñeraro pe, oyupavo retata, ërei mbaetɨ eteita kia oë oñeraro vaerä. Echa chearasɨ oï opaete vae reta re.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

NAHUM 1:2

YandeYa jae ko Tumpa jägüɨro imbae vae reta re vae jare omboekovia vae; omboekovia, ikotɨ oyovaicho vae reta pe, jare iyarasɨ jovaicho reta kotɨ.

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

DEUTERONOMIO 32:22

Echa chearasɨ oyepota tata rami, jare jendɨta ojo oväe matɨ ɨvɨgüɨ kotɨ; opata oapɨ ɨvɨ jare pɨpegua reta, jendɨta ɨvɨtɨ guasu reta iguapɨka.

1 SAMUEL 28:16

Jayave Samuel jei chupe: —¿Maera pa jayave reparandu cheve, yandeYa ndereeya ma jare oyovaicho ma ndekotɨ reve?