LAMENTACIONES 2:22 - Biblia Guarani Tumpa Iñee

²² Rembou cheve ketɨ ketɨ güi kɨɨye, metei arete ikavía pe yogüeru vae rami; cheYa, ndearasɨ iara pe mbaetɨ kia oasayepe ndegüi vae. Che ambokuakuaa vae jare ayangareko jese vae reta, cherovaicho reta opa oyuka.

LAMENTACIONES 2:22 ပူးပေါင်းရင်းမြစ်များ

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

SALMOS 31:13

Echa jeta vae güi aendu ndaye reta chekotɨ, oipota rupi güi chemongɨɨye. Metei rami oyemongeta reta oyapo vaerä ikavimbae cheve, ¡oyemongeta reta cheyuka vaerä!

ISAÍAS 28:19

Ou ñavo, otupeita peré, pɨareve ñavo outa, ara pe jare pɨ̈tu yave. Peendu ou yave, jae ma pemboɨpɨta perɨrɨi.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 20:3

Pɨareve pe Pasur omondo güeruruka Jeremías ɨvɨrakua güi. Jayave Jeremías jei chupe: “YandeYa oipoepɨ nderee Pasur, Magor-misabib pe.

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 44:7

Añave che, peYa Imbaepuere yae ete vae Israel iTumpa, jae: ¿Maera pa peru peyé aeño jókuae ikavimbae yae vae? ¿Maera pa peyukauka opaete Judá pegua kuimbae reta, kuña reta, michia reta, jare oa ramo raɨ vae ave, mbaetɨ etei kia jembɨre regua?

JEREMÍAS 46:5

Ërei ¿mbae pa ko aecha? Oyerova ye reta okɨɨye yae reve. Jëia yae vae reta iñamɨri jare opa oñemoai moai; oë osɨi reta, oyerovambae etei omae jaɨkue kotɨ. ¡Oime kɨɨye opaete rupi! Che ndeYa ko jae kuae.

JEREMÍAS 6:25

¡Agüɨye peë tëta güi ikatu kotɨ, agüɨye vi peguata tape rupi! Echa ¡tovaicho reta jembiporu ñeraro pegua ndive ñogüɨnoi; kɨɨye oime opaete rupi!”

DEUTERONOMIO 28:18

Yepopeyu toa nderaɨ reta re, neremitɨ ia reta re, ndeguaka imembɨ reta re, jare ndevecha reta imembɨ reta re.