LAMENTACIONES 2:21 - Biblia Guarani Tumpa Iñee

²¹ Michia reta jare ndechi reta oyoa jëogüe ikatu rupi; kuñatai reta jare kunumi reta opa omano kɨsepuku pe. Opa reyuka reta ndearasɨ iara pe, reñaseokɨ̈tiuka, ¡neɨ̈rombae reve chupe reta!

LAMENTACIONES 2:21 ပူးပေါင်းရင်းမြစ်များ

2 CRÓNICAS 36:17

Jáeramo yandeYa güeru Caldeaɨgua reta juvicha guasu oporepeña vaerä jese reta, jae oyuka kɨsepuku pe taɨrusugüe reta jare jókuae tupao pe etei, mbaetɨ etei oiparareko kunumi reta jare kuñatai reta, indechi vae reta ani ipuerembae reta ave. Opaetei yandeYa omee reta ipo pe.

ESTER 3:13

Jare omondo reta tupapire, jerajaa reta ndive opaete tëta reta mburuvicha guasu iporookuaía pegua pe, pɨpe oyókuai opaetei vaerä oyuka jare omokañɨtei opaete Judáɨgua reta jókuae ara voi: Taɨrusu reta, ndechi reta, michia reta jare kuña reta yasɨ Adar pe, jae ko yasɨ docea ara trece pe, oyemombae reve imbaembaegüe reta re.

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

JEREMÍAS 11:22

yandeYa Imbaepuere yae ete vae jei ikotɨ reta: “Aiporaraukata chupe reta: Taɨrusu vae reta omanota ñeraroa pe, imichia reta opata jovaruru.

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

JEREMÍAS 18:21

¡Ërei añave, emee taɨ reta omano reta vaerä karuai ani ñeraro rupi; topɨta kuña reta imembae jare imembɨmbae! ¡Mbaerasɨ yavaetegüe toyuka kuimbae reta, jare ikunumi reta tomano ñeraroa pe!

JEREMÍAS 21:7

Jaɨkue rupi Sedequías mburuvicha guasu Judá pegua, opaete iyɨvɨrigua jare isundaro reta ndive, jare ñeraro güi, mbaerasɨ ovakatu vae jare karuai güi omomara kuae tëta guasu pe vae reta ameeta Nabucodonosor ipo pe jare ïru jovaicho reta ipo pe. Che ameeta jae reta oyuka vaerä kɨsepuku pe oipararekombae reve. Che ndeYa jae kuaekuae.

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 51:22

Nde rupi amokañɨtei kuimbae jare kuña reta, ndechi reta jare taɨrusu vae reta, kunumi reta jare kuñatai reta.

JEREMÍAS 6:11

Chearasɨ yae vi ko aï ndearasɨ ramo cheYa, mbaetɨ ma chepuere chepɨaguasu.” YandeYa jei cheve: “Eitɨ chearasɨ michia reta kaye rupigua re, taɨrusu reta yatɨ yatɨ vae re. Toyereraja tembipɨɨrä kuimbae reta jembireko reve reve, ndechi reta jare indechiasɨ vae reta.

JEREMÍAS 9:20

Kuña reta, peyeapɨsaka yandeYa iñee re, peendu iñemoñee: Pemboe toyaeo pememɨkuña reta jare pevɨa-ïru reta körai:

JEREMÍAS 9:21

“Mano ou oike yandero pe, oyuka michia reta kaye pe jare taɨrusu reta oka guasu pe.

LAMENTACIONES 1:15

YandeYa opa omoamɨri chegüi kuimbae reta jëia yae vae. Ombou chekotɨ jeta vae reta, opa vaerä omokañɨtei chegüi taɨrusu reta. ¡YandeYa opɨ̈ro imbae vae Judá pegua reta re, uva re oñepɨ̈ro oñetɨami rami!

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 1:4

¡Sión kotɨ tape reta ojo vae kïrii ngatu mbɨatɨtɨ jeko pegua! ¡Mbaetɨ etei kia ou arete reta mbaemboete pegua pe vae! Tëta guasu öke reta opaetei oyemboai, isacerdote reta oyaeo, ikuñatai reta ipɨatɨtɨ, jare Jerusalén ipɨatɨtɨ yae vi.

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

LAMENTACIONES 2:2

YandeYa oporomboai, iñɨ̈rombae reve, iyarasɨ rupi omboai opaete Jacob iñemuña reta jo guakapi pegua, opa omboai ñepɨ̈roka reta Judá pegua. Opa omomichi mborookuaía reta jare mburuvicha reta.

LAMENTACIONES 3:43

Oreöva ndearasɨ pe, oreraɨkuemoña, oreyuka jare mbaetɨ neɨ̈ro oreve.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

EZEQUIEL 7:4

Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko reta, jare ikavimbae yae reyapo vae re. Jayave pe reta chekuaata che ko peYa vae.

EZEQUIEL 7:9

Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko oï rupi, jare ikavimbae yae reyapo vae re. Jayave pe reta chekuaata che ko jae peYa aiporarauka peve vae.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

AMÓS 4:10

“Ambou peve mbaesusere reta yavaetegüe Egipto pe rami; ayukauka petaɨrusu reta kɨsepuku pe, jare perovaicho opa opɨ̈ro pekavayu reta pegüi; peïru reta ñeraro pe omanogüe iine aëtuuka tëi peve, ¡ërei mbaetɨ peyerova ye chekotɨ!” Jei yandeYa.

AMÓS 8:13

Jókuae ara, kuñatai pöra reta jare kunumi reta ipɨtuta iɨuve güi.

ZACARÍAS 11:6

Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

DEUTERONOMIO 28:50

ipïrimbae yae vae reta, mbaetɨta omboete ndechi yepe ani michia yepe.

DEUTERONOMIO 32:25

Kɨsepuku oporoyukata ikatu rupi, jare o japɨpe rupi kɨɨye; omanota kunumi jare kuñatai, ndechi reta jare vi michia okambu vɨteri vae reta.

JOSUÉ 6:21

Jare opaetei oyuka reta kɨsepuku pe tëta guasu pe ñogüɨnoi vae: Kuimbae reta, kuña reta, taɨrusu vae reta jare ndechi reta, güeye reta ave, vecha reta, jare mburika reta.

1 SAMUEL 15:3

Jáeramo, ekua eporepeña Amalec iñemuña reta re, jare opa emboai opaete mbaembae güɨnoi vae, agüɨye nepïri jese reta; eyuka kuimbae reta, kuña reta, michia reta, jare oa ramo vae reta ave, guaka reta, vecha reta, camello reta jare mburika reta.”