LAMENTACIONES 2:16 - Biblia Guarani Tumpa Iñee

¹⁶ Opaete nderovaicho reta jei mbae ndekotɨ. Ndeyóyai yóyai jare jäi ombokɨrɨrɨu reve jei reta ndekotɨ: “¡Opaetei yamboai! ¡Kuae ko jae ɨma ara rupi ma ñaäro yaiko vae! ¡Yayu yaupitɨ jare yaecha!”

LAMENTACIONES 2:16 ပူးပေါင်းရင်းမြစ်များ

SALMOS 109:2

echa jupimbae jare iporombotavɨse vae imiari kaviä chekotɨ; iyapu reve imiari reta cheré.

SALMOS 112:10

Iyoa vae oecha yave, iyarasɨta; ombokɨrɨrɨuta jäi, ërei okañɨteita, iyoa vae reta jemimbota opata.

SALMOS 124:3

opata tëi ko ñanemokañɨtei reta metei jeia pe, iyarasɨ yae yandekotɨ jeko pegua.

SALMOS 22:13

Yaguapope pochɨ oñee vae rami, oyurupeka oporepeña reta cheré.

SALMOS 35:16

Chemboete raanga, cheyóyai yóyai reta, omae reta cheré chemotareɨ yae reve.

SALMOS 35:21

Tuicha opopira reta iyuru chekotɨ; jei reta: “¡Ore etei roecha!”

SALMOS 35:25

Agüɨye tei reta ipɨa pe: “¡Jae ko kuae yaipota vae! ¡Jaema ko ñamokañɨtei!”

SALMOS 37:12

Iyoa vae oeka oyapo vaerä ikavimbae jupi vae kotɨ, omotareɨ yae omae jese.

SALMOS 41:8

“Mbae ikavimbae vae oya jese; oa jupa pe, ngaraa ma opüa ye.”

SALMOS 56:2

Opaete ara cherovaicho reta chepïaro; echa jeta yae ko oñeraro ipɨapochɨ reve chekotɨ vae.

SALMOS 57:3

rembouta ndeporoaɨu ara güi jare chereroasayepeta, iyarasɨ reve cheraɨkuemoña vae reta güi.

ISAÍAS 49:19

Ndeɨvɨ opa etei oyemboai oï, opa oñererokomegua oï jare ipoä opɨta; ërei añave, ndeɨvɨ ipɨmiita opɨta, jeta yae vae jeko pegua. Kuae ɨvɨ imboaia reta matɨ ma yogüɨrekota.

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 29:18

Pogüɨrekota ñeraro rupi, karuai rupi jare mbaerasɨ ovakatu vae rupi. Poapota opaete tëtaguasu reta omae kaviä vaerä peré, peikota yepopeyurä, yeyóyai yóyai rupi, opaete jókuae tëtaguasu reta pomoai moaia rupi.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 50:7

Jovaicho reta oväe yave oyuka jou, jare jei reta: ‘Mbaetɨ ko teko ñanoi, echa jae reta ko iyoa iYa kotɨ, ikapiirupa ikavigüe kotɨ, iñemuñagüe reta iyeroviaka.’

JEREMÍAS 51:34

Jerusalén, Sión pegua tëta guasu jei: “Nabucodonosor, mburuvicha guasu Babilonia pegua, chembojaɨ jaɨ jare opa chemókoi; chereeya metei vaso ipombae rami. Mbaeporou ɨguasu rupigua rami chereu; oñemoɨ̈vɨata, oyúe yae chegüi vae pe, jare cherembɨregüe omombo. ¡Toiporara Babilonia, ikavimbae oyapo cheve vae re! ¡Caldeaɨgua reta toiporara oyuka chegüigüe reta re!”

LAMENTACIONES 1:21

Jeta vae oendu cheräse, ërei mbaetɨ kia chembopɨakatu. Opaete cherovaicho reta oikuaa chesusere, oyerovia reta nde ko jökorai cheapo vae. ¡Embou, jókuae ara remoërakua vae, jae reta toiporara vi che rami!

LAMENTACIONES 3:46

Opaete orerovaicho reta jei mbae orekotɨ;

EZEQUIEL 23:32

Che ndeYa Tumpa jae körai: Ameeta reɨu chearasɨ oï kopa pe vae re, nderɨke oɨu jese vae, jae ko kopa iporusu vae; nemotareɨta ïru tëtaguasu reta, ndeyóyai yóyai retata,

EZEQUIEL 25:15

Che ndeYa Tumpa jae körai: “Filisteo reta oyepɨ Israel pegua reta re omotareɨ yae reve, jovaichorä ñomai güɨreko ramo.

EZEQUIEL 25:3

ere chupe reta oyeapɨsaka vaerä ñee amondo chupe reta vae re: ‘Pe reta pesapúkai púkai peyerovia güi, peecha yave chetupao oyemboeteä opa oyemboai, jare ɨvɨ Israel oyemboai, jare Judá pegua reta oyererajauka tembipɨɨrä ïru ɨvɨ pe.

EZEQUIEL 25:6

Echa, che ndeYa Tumpa jae körai: ‘Pe Amón iñemuña reta peyepopete jare pechäguariko peyerovia güi, jare pemotareɨ Israel iɨvɨ.

EZEQUIEL 36:3

Jáeramo, emoërakua maratuta oasa vae, ere chupe reta: YandeYa Tumpa jei körai: ‘Oipota rupi güi oporepeña peré jare pemboai, peiko vaerä ïru tëtaguasu reta imbaerä, jare imiari kaviä peré, peyóyai yóyai reve,

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

OSEAS 8:8

¡Israel pegua reta, pekañɨteita aramoete pegua! Ïru tëtaguasu pegua reta mbaeä eteita omae peré,

MIQUEAS 4:11

Ërei añave jeta yae tëtaguasu reta, oyemboyovaicho pekotɨ, jare jei reta: “¡Yayerovia katu reve ñamae jare yayapo ikavimbae Jerusalén imboetea yae yepi vae pe!”

Hechos 7:54

Jare mburuvicha reta kuae oendu yave, iyarasɨ yae, jare jäi ombokɨrɨrɨu reta Esteban kotɨ.