LAMENTACIONES 2:14 - Biblia Guarani Tumpa Iñee

¹⁴ Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

LAMENTACIONES 2:14 ပူးပေါင်းရင်းမြစ်များ

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

JEREMÍAS 20:6

Jare nde, Pasur, reyererajaukata Babilonia pe, opaete ndero pegua reta ndive. Joko pe remanota, joko pe vi neñotɨ retata opaete ndevɨa-ïru reta ndive, jókuae ndeapu reve remoërakua mbae maratuta vae re chupe vae reta.’ ”

JEREMÍAS 23:22

Oikuaa reta yave mona cheyemongeta reta oyekuaambae vae, oikuaaukata tëi ko cheñee chembae vae reta pe; omombiata tëi ko jeko ikavimbae güi, jare jembiapo reta ikavimbae güi.”

JEREMÍAS 23:36

Agüɨye ye mo pere: ‘YandeYa omoërakua mbae maratuta vae’, echa kia jei yave jókuae ñee, amboyevɨta chupe jókuae jae omoërakuagüe. Echa pe reta peipoepɨ yandeYa oikove vae iñee, peTumpa, yandeYa Imbaepuere yae ete vae.

JEREMÍAS 28:15

Jayave ñeemombeúa Jeremías jei ñeemombeúa Hananías pe: —¡Eyeapɨsaka, Hananías! YandeYa mbaetɨ tëi ndembou, ërei nde rembotavɨ kuae tëta, reroviauka chupe reta añetembae.

JEREMÍAS 29:21

YandeYa Imbaepuere yae ete vae, Israel iTumpa jei Acab, Colaías taɨ regua, jare Sedequías, Maasías taɨ regua, kërai jae reta omombeu peve añetembae yandeYa jee re. YandeYa jei körai: ‘Ameeta oa reta vaerä Nabucodonosor, mburuvicha guasu Babilonia pegua ipo pe, jare jae oyuka retata perovakei.

JEREMÍAS 37:19

¿Ketɨ pa oime ñogüɨnoi jókuae ñeemombeúa reta, omoërakua mbaetɨta ko mburuvicha guasu Babilonia pegua opüa peré ani kuae tëtaguasu re vae reta?

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

LAMENTACIONES 4:13

¡Opaete kuae oasa, ñeemombeúa reta iyoa jeko pegua jare isacerdote reta jeko kavimbae jeko pegua, echa tëta guasu rupi etei oyuka reta jekombae reta!

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

EZEQUIEL 22:28

Neñeemombeúa reta omombeu jaangaiño mbae outa vae, imbaekuaa vae maratuta vae re omombeu iyapu reve ramiño ko, jei reta: ‘YandeYa Tumpa jei körai.’ Ërei che mbaetɨ chemiari chupe reta.

EZEQUIEL 23:36

YandeYa jei cheve: “Nde kuimbae, iara ma rere vaerä Ahola jare Aholiba pe maratuta vae, eikuaauka chupe reta pɨ̈chɨi yae oyapo reta vae.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.