LAMENTACIONES 2:12 - Biblia Guarani Tumpa Iñee

¹² Michia reta jei ichɨ pe: “¿Jama pa tembíu yau vaerä?” Omano reta ramboeve tëta guasu joka rupi iperegüe rami, ichɨ jäpapau pe oyekɨi reta.

LAMENTACIONES 2:12 ပူးပေါင်းရင်းမြစ်များ

JOB 30:16

Añave mbaetɨ ma aipota aiko vaerä, tembiporara reta chemoamɨri.

SALMOS 42:4

Chemaendúa kuae mbaembae re yave, ayembopɨatɨtɨ yae. Chemaendúa kërai aja jeta vae ndive, araja reta Tumpa jo kotɨ, sapúkai yerovia pegua jare mbaemboete pegua ipɨte pe aja. ¡Arete tuichagüe ko jókuae ara!

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

LAMENTACIONES 1:11

Opaete pɨpegua reta oyaeo reve oyembieka; omee reta opaete imbaembae jepɨ vae tembíu re, agüɨye vaerä jovaruru reta. ¡CheYa Tumpa, emae kërai aiporara yae aï vae re!

LAMENTACIONES 4:4

Michia raɨ okambu vae, ikü oya iñäpeku re iɨuve yae güi. Michia reta oeka tembíu, ërei mbaetɨ kia omongaru reta.

EZEQUIEL 30:24

Amopɨ̈ratata mburuvicha guasu Babilonia pegua iyɨva reta, jare chekɨsepuku añonota ipo pe, ërei Faraón iyɨva reta amopëta, jare jäseta jovaicho jóvai, metei ipere vae omanota vae jäse rami.