LAMENTACIONES 2:11 - Biblia Guarani Tumpa Iñee

¹¹ Cheresaɨ veä ma ayaeo mbatee güi, cheɨvɨte pe etei ayandu, jare chepɨa jëogüe yae, aecha ramboeve oyemboai cherëtaɨgua reta jëta guasu; michia okambu vae reta ave omano tëta guasu joka guasu rupi.

LAMENTACIONES 2:11 ပူးပေါင်းရင်းမြစ်များ

JOB 16:13

Opaetei chekëse reta, cheɨ̈vo cherete rupi, mbaetɨ cheparareko; chechuri oyepɨyere ɨvɨ pe.

JOB 30:27

Chembopɨanduku aputuumbae, ou oväe cheve ara reta mbɨatɨtɨ pegua.

SALMOS 119:82

Cheresa kangɨ yae ma aäro neñee, jae: ¿Kërai yave ra chembopɨakatuta?

SALMOS 22:14

Aiko ɨ oyepɨyere vae rami; mbaetɨecha chekägüe iyoapɨa. Chepɨa iraitɨ rami, ochɨrɨrɨecha cheɨvɨte pe.

SALMOS 31:9

Cheparareko cheYa Tumpa, echa mbɨatɨtɨ pe aï. Mbɨatɨtɨ chembopɨtu, ¡opaetei cherete jëogüe!

SALMOS 38:8

Opaetei cherete jasɨ, mbaetɨ etei chepɨ̈rata, ayandu chepɨa pe etei chemoäse.

SALMOS 6:7

Mbɨatɨtɨ, cheresa omojäve ma, ¡cherovaicho reta jeko pegua pɨtumimbi cheve!

SALMOS 69:3

Chekangɨ ma aporoenɨi, cheaseo jäve ma, cheresa ikangɨ ma aäro cheRu Tumpa.

ISAÍAS 22:4

Jáeramo jae: Pemaeño tayaeo chepɨatɨtɨ yae reve, agüɨye peyemoambeko chembopɨakatu vaerä, kuae cherëta oyemboai vae güi.

ISAÍAS 38:14

Cheräse ärakua jare tapérai rami, ani pɨkasu rami. Cheköe amae ara kotɨ. ¡CheYa, aiporara aï, chemborɨ!

ISAÍAS 51:20

Nemembɨ reta opa ogüɨapi ñogüɨnoi, tape oyoasaa ñavo rupi oyepɨso ñogüɨnoi, guasuovɨ ñuai pe oa vae rami. YandeYa iporojäa rupi oiporara reta, neTumpa iporombosɨmbi rupi.

JEREMÍAS 14:17

Ere opaete vae pe kuae ñee: ‘Toyepɨyere cheresaɨ, ara pe jare pɨ̈tu yave toyepɨyere iyapɨmbae, echa yavaetegüe susere ou cherëta re, tuicha yae ipere.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 44:7

Añave che, peYa Imbaepuere yae ete vae Israel iTumpa, jae: ¿Maera pa peru peyé aeño jókuae ikavimbae yae vae? ¿Maera pa peyukauka opaete Judá pegua kuimbae reta, kuña reta, michia reta, jare oa ramo raɨ vae ave, mbaetɨ etei kia jembɨre regua?

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

LAMENTACIONES 1:11

Opaete pɨpegua reta oyaeo reve oyembieka; omee reta opaete imbaembae jepɨ vae tembíu re, agüɨye vaerä jovaruru reta. ¡CheYa Tumpa, emae kërai aiporara yae aï vae re!

LAMENTACIONES 1:16

Kuaekuae reta jeko pegua ayaeo. Jeta yae cheresaɨ oyepɨyere, echa oyembosɨrɨ chegüi chembopɨakatu vae jare chemombutuu vae. Opa cheipo reta oyemboai, echa tovaicho reta jëia yae.

LAMENTACIONES 1:20

¡CheYa Tumpa, chepɨatɨtɨ yae aï! ¡Ayandu etei chepɨa onduku cheɨvɨte pe! Chepɨa-kërai, ayemongeta yave chepɨapochɨ yae vae re. Ikatu rupi, jeta yae oporoyuka vae, jare japɨpe rupi jeta mano.

LAMENTACIONES 5:17

Jáeramo orepɨatɨtɨ yae; jäve ma romae, royaeo mbatee güi.

San Lucas 23:29

Mase, outa oväe ara reta jei reta vaerä: “Oyerovia ko jókuae imembɨmbae vae reta, jókuae oporombokambumbae vae reta.”

1 SAMUEL 30:4

Jayave David jare kuimbae reta jae ndive ñogüɨnoi vae jäse jare oyaeo ipuereä ma regua.