LAMENTACIONES 2:1 - Biblia Guarani Tumpa Iñee

¹ ¡Kërai yandeYa opa oñova pɨtumimbi pe, tëta Sión pegua reta iyarasɨ rupi! Ɨvate güi oitɨ tëta Sión ipöra yae vae, ara güi oitɨ ɨvɨ pe rami; iyarasɨ iara pe, mbaetɨ imaendúa itupao re.

LAMENTACIONES 2:1 ပူးပေါင်းရင်းမြစ်များ

2 SAMUEL 1:19

“¡Israel! ¡Ñamɨri ndeyemboetea ndeɨvɨtɨ reta re! ¡Ñamɨri kuimbae ñeraro regua reta!

1 CRÓNICAS 28:2

Jayave David opüa oyemboɨ jare jei: “Peyeapɨsaka cheré, cherëtara aaɨu vae reta: Che ayemongeta tëi amopüa vaerä metei o, käjou morogüɨrökuavee päve pegua yandeYa imbae oiko avei vaerä pɨpe, joko pe ñaneTumpa güɨnoi vaerä iporookuaía; jare ayapokatu tëi ma opaete amopüa vaerä,

SALMOS 132:7

¡Roiketa itupao guakapi pegua pe! ¡Royetavatɨkata jóvai!

SALMOS 89:45

Oikopuku vaerägüe, remomichi chugüi, jare reñono ñemomarai pe.

SALMOS 99:5

¡Pembotuicha yandeYa Tumpa, peyetavatɨka petindɨasi reve jóvai! ¡Tumpa ko Iyoambae!

ISAÍAS 64:11

Orembaemboetea ikavi yae vae, oreñemuñagüe reta pɨpe ndemboete yepi vae, opa oyemboai tata pe. ¡Opaete mbaembae roaɨu yae yepi vae, opa oyemboai!

JEREMÍAS 30:14

Opaete pepotase vae iñakañɨ pegüi; mbaetɨ ma oyemoambeko reta peré. Che ko pombopere, tovaicho ombopere jovaicho rami, aiporarauka ete kavi peve, jeta ikavimbae peyapo jeko pegua, jare peyoa jeta yae jeko pegua.

LAMENTACIONES 1:1

¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 1:12

Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

LAMENTACIONES 4:1

¡Kërai ikɨa oro! ¡Kërai oro oyeambae mbaetɨ ma jembipe! O mbaemboetea pegua ita reta opaetei oñemoai ñogüɨnoi kaye rupi.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

EZEQUIEL 13:13

Jáeramo che peYa jae: Chearasɨ rupi ambouta ɨvɨtuai omboai vaerä jókuae oguambɨ; chearasɨ rupi ambouta ama guasu jare amandau ita rami vae omboai vaerä.

EZEQUIEL 19:12

Ërei Tumpa arasɨ rupi oapomondorouka, oyeitɨuka ɨvɨ re, jare ɨvɨtuakuvo omotini, osururu chugüi ia, jäka reta ipoguasu vae yɨpi jare oyeitɨ tata pe.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

EZEQUIEL 30:18

Tafnes pe ara oyembopɨtumimbita, Egipto imbaepuere jare iyembotuicha amboai yave; pɨtumimbita chupe reta, jare tëta raɨ reta pegua reta oyererajaukata tembipɨɨrä.

JOEL 2:2

Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

San Mateo 11:23

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe. Echa mɨakañɨ reta ayapo pepɨte pe vae, ayapo yave mona Sodoma pe, oimeñota tëi ko añave rupi.

San Lucas 10:15

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe.

San Lucas 10:18

Jayave Jesús jei chupe reta: —Che aecha Satanás oa ara güi ama-vera rami.

1 SAMUEL 4:21

Jare jókuae michia raɨ ombojee Icabod, jei reve: “Israel iñemuña reta güi oñepɨ̈ro mbaemboetea”, Tumpa ikäjou oñepɨ̈ro jare imendu jare ime omano ramo.

1 SAMUEL 4:22

Jare jae jei: “Tumpa iyemboetea oñepɨ̈ro Israel iñemuña reta güi; echa Tumpa ikäjou opɨ̈rouka reta.”