LAMENTACIONES 1:8 - Biblia Guarani Tumpa Iñee

⁸ Jerusalén tuicha iyoa, jókuae jeko pegua opa oyererajauka. Tenonde yave rupi omboetese reta vae, añave rupi güɨröɨro, oecha reta ramo inandi. Kuae jeko pegua iä-yekɨi oyaeo jare oñomi jova.

LAMENTACIONES 1:8 ပူးပေါင်းရင်းမြစ်များ

GÉNESIS 3:7

Jayave jesa reta oyepea, jare oikuaa reta inandi yepe yogüɨreko vae; jayave ombovɨvɨ reta ɨva joogüe oñeova reta pɨpe vaerä.

1 REYES 9:6

Ërei pe reta jare peraɨ reta pesɨrɨ chegüi jare mbaetɨ peyapo mborookuai reta amee peve vae yave, jare peo pemboete tumpa ambuae reta yave,

1 REYES 9:7

aekɨta Israel iñemuña reta kuae ɨvɨ amee chupe vae güi, amombota cheróvai güi kuae tupao añono tee vae, jare Israel toiko tëtaguasu reta opuka jese vaerä.

1 REYES 9:9

Jare jei retata: ‘Oeya reta iYa Tumpa Egipto güi güɨnoe iñemuñagüe reta vae jare omboete reta tumpa ambuae; jáeramo Tumpa ombou jese reta opaete mbae ikavimbae.’ ”

ISAÍAS 47:3

toyekuaa nderete inandi, toyekuaa nderete renoti tëi reve. Ayepɨta, ngaraa kia ipuere cheopia.”

JEREMÍAS 13:22

Rere yave ndepɨa pe: ‘¿Maera ra körai aiko?’ Ndeyoa yae jeko pegua ko körai reiko; ¡jáeramo nemonandi reta jare oyuvanga reta nderé!

JEREMÍAS 13:26

Che opaeteita vi romonandi, romomaraiuka yaeta.

JEREMÍAS 15:4

Ayapota chupe reta vae rupi opaete tëtaguasu reta okɨɨye yaeta, Manasés mburuvicha guasu Judá pegua, Ezequías taɨ jeko pegua, Jerusalén pe oyapo vae re.

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 32:23

Ërei ngatu, jae reta oike ma oñemoëta pɨpe yave, mbaetɨ oendu ndeporookuai reta ani oipota oyapo reta nde reyókuai oyapo vaerä vae. Jáeramo rembou chupe reta opaete kuae susere yavaetegüe.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

JEREMÍAS 4:31

Kuña jaeramo imembɨ vae oyekuaku yave jäse vae rami, aendu täse, jae ko Sión pegua reta jäse vae, jäse, ipo reta oupi reve jei: ‘¡Atataɨ! ¡Jaema cheyukata oporoyuka vae reta!’ ”

JEREMÍAS 6:28

Opaete jae reta ipɨapochɨ vae reta ko, iñee ndaye reta, opaete oikomegua vae reta ko, jiero jare jiero iyu vae reta rami ko.

LAMENTACIONES 1:11

Opaete pɨpegua reta oyaeo reve oyembieka; omee reta opaete imbaembae jepɨ vae tembíu re, agüɨye vaerä jovaruru reta. ¡CheYa Tumpa, emae kërai aiporara yae aï vae re!

LAMENTACIONES 1:17

Sión oiporu tëi yemborɨ, ërei mbaetɨ kia ombopɨakatu vaerä. YandeYa omee mborookuai tovaicho reta oñova vaerä Jacob; chupegua reta, Jerusalén ikavimbae yae ko.

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

LAMENTACIONES 4:21

¡Pepuka, peyerovia Edom pegua reta, ɨvɨ Uz pe peiko vae! ¡Ërei oväeta vi ndeve kopa arasɨ pegua, ndembosavaɨpota jare regüëeta!

EZEQUIEL 23:29

Jae reta nemotareɨta omae nderé, jare opaeteita opɨ̈ro ndegüi reparavɨkɨ jese vae, ndereeyata nderete nandi; oitɨrumboita nderete remee aguasa pe vae. Ndekuimbae pota yae vae jare ndeaguasa pota ramo,

EZEQUIEL 23:46

Jáeramo, yandeYa Tumpa jei körai: “Che ambouta ikotɨ reta jeta vae, omongɨɨye yae vaerä jare opɨ̈ro reta vaerä chugüi imbaembae reta.

EZEQUIEL 39:23

Jare tëtaguasu reta oikuaata, kërai Israel iñemuña reta oyererajauka tembipɨɨrä iyoa jeko pegua, oyembopɨapochɨ reta chekotɨ ramo che ayerova chugüi reta, amee jovaicho reta ipo pe, jare opaetei omano reta ñeraro pe.

OSEAS 2:10

Iyaguasa reta jovake amonandita ¡Ngaraa kia oepɨ chegüi!

OSEAS 2:3

Mbaetɨ yave oyapo, apɨ̈rota chugüi imbaembae jare amonandita; añonota jókuae ara ichɨ güi oa ramo yave rami, aipoepɨta ñuu ipombae pe, ɨvɨ otini vae pe, ayukaukata ɨuve pe.

Apocalipsis 3:18

Jáeramo, romboarakuaa regua vaerä chegüi oro ikɨambae tata pe oyetɨo vae, reikokatu vaerä, jare temimonde tïi vae remonde vaerä, agüɨye vaerä nenandi oyekuaa. Romboarakuaa vi reñono vaerä moa peresa pe, reecha vaerä.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.