LAMENTACIONES 1:5 - Biblia Guarani Tumpa Iñee

⁵ Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

LAMENTACIONES 1:5 ပူးပေါင်းရင်းမြစ်များ

2 REYES 21:15

Ikavimbae oyapo reta cheresa róvai jeko pegua chemboarasɨuka reta, iñemuñagüe reta ñogüɨnoe Egipto güi yave güive añave regua.’ ”

SALMOS 80:6

Oreñono orerëta-ɨpɨ pegua reta opuka oreré vaerä, jare orerovaicho reta oreyóyai yóyai.

SALMOS 89:42

Remee jovaicho reta imbaepuere yae vaerä; remee jovaicho reta oyerovia yae vaerä.

ISAÍAS 22:5

Echa yandeYa Imbaepuere yae ete vae oñono ma ou vaerä ara yavaetegüe, kañɨtei pegua jare mbɨatɨtɨ pegua tëta guasu ɨvɨtɨ päu ipe kavi vae reta ipäu pegua pe. Opa oyemboai tëta guasu ikësea; ojoi oyeendu jäse reta vae ɨvɨtɨ re.

ISAÍAS 63:18

¡Mbovɨ año rupiño ndembae vae reta oñeñono tee vae yogüɨreko ɨvɨ iyarä! Orerovaicho reta opa omboai ndero mbaemboetea pegua.

JEREMÍAS 10:20

Chero guakapi pegua oyemboai oï, opaetei iïcha oso. Chemembɨ reta opa chereeya, ¡mbaetɨ ma oikove reta! Mbaetɨ ma kia omopüa ye vaerä chero guakapi pegua, asoya o imboyaoa omoata vaerä ave mbaetɨ.

JEREMÍAS 12:7

Aeya chembae vae reta, aröɨro chembae vae reta. Amee jovaicho reta ipo pe, tëta chembae aaɨu yae yepi vae.

JEREMÍAS 23:14

Che aecha ñeemombeúa reta Jerusalén pegua oyapo mbae pɨ̈chɨi yae vae; oyapo reta aguasa jare oporombotavɨ reta, jökorai omoäta ngatu reta jeko kavimbae reta, agüɨye vaerä oyepoepɨ reta jeko kavimbae güi. Jae reta jare tëta pegua reta, Sodoma jare Gomorra rami ko cheve.

JEREMÍAS 39:9

Jare Nabuzaradán, sundaro omaeäro vae reta juvicha opa güɨraja Babilonia kotɨ, opaete tëta guasu pe opɨtagüe reta, oñemoïru jae reta ndive vae reta, jare opaetei.

JEREMÍAS 5:29

Kuae jeko pegua, ¿amaeñota ra jese reta? Kuae rami oyapo vae, ¿mbaetɨ ra jupi aiporarauka vaerä chupe reta jeko re? Che peYa, jae.

LAMENTACIONES 1:16

Kuaekuae reta jeko pegua ayaeo. Jeta yae cheresaɨ oyepɨyere, echa oyembosɨrɨ chegüi chembopɨakatu vae jare chemombutuu vae. Opa cheipo reta oyemboai, echa tovaicho reta jëia yae.

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 1:8

Jerusalén tuicha iyoa, jókuae jeko pegua opa oyererajauka. Tenonde yave rupi omboetese reta vae, añave rupi güɨröɨro, oecha reta ramo inandi. Kuae jeko pegua iä-yekɨi oyaeo jare oñomi jova.

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

LAMENTACIONES 3:46

Opaete orerovaicho reta jei mbae orekotɨ;

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

DEUTERONOMIO 31:29

Echa, che aikuaa amano ma yave, peikomeguata jare pepiata tape che poyókuai jese vae güi; jare outa peve kuri mbaesusere, peyapo ikavimbae yandeYa jesa róvai jeko pegua, echa jökorai pemboarasɨuka perembiapo reta rupi.”