LAMENTACIONES 1:3 - Biblia Guarani Tumpa Iñee

³ Judá oyereraja tembipɨɨ, oiporara yae oï jasɨ katu yae reve; oï tëtaguasu reta ipɨte rupi jare mbaetɨ oväe mbutuu. Opaete jovaicho reta oupitɨ ɨvɨtɨ päu ipɨmiia pe.

LAMENTACIONES 1:3 ပူးပေါင်းရင်းမြစ်များ

2 REYES 25:11

Jare opɨtaño tëta pe vae reta, mburuvicha guasu Babilonia pegua pe jaeiño opa oñemee vae reta jare opaete paravete vae opɨtaño vae reta, oipɨɨ güɨraja Nabuzaradán, sundaro oporoäro vae reta juvicha.

2 REYES 25:21

Joko pe mburuvicha guasu Babilonia pegua oyukauka reta, ɨvɨ Hamat pe. Jökorai tëta Judá oyererajauka tembipɨɨrä iɨvɨ güi.

2 REYES 25:4

Jayave oipea reta japerä tëta guasu ikësea rupi, yepe tëi Caldeaɨgua reta oñova güɨnoi, mburuvicha guasu jare opaete sundaro reta otekuarai tëta guasu güi pɨ̈tu yave. Ñogüɨnoe reta öke tëta guasu ikësea mókoi oyóvai ñogüɨnoi vae ipäu pe oï vae rupi mburuvicha guasu iko raɨ rupi; ojo mburuvicha guasu tape Arabá kotɨ ojo vae rupi.

2 REYES 25:5

Ërei sundaro Caldeaɨgua reta oaɨkuemoña mburuvicha guasu Sedequías, jare oupitɨ reta ɨvɨpe kavi Jericó pegua pe. Isundaro reta opa oñemoai moai chugüi.

JEREMÍAS 13:19

Tëta guasu reta Neguev pegua opa oñeova ñogüɨnoi; mbaetɨ kia ipuere oë. Opaete Judá pegua opa oyereraja, tembipɨɨrä opa oyereraja.

JEREMÍAS 16:16

YandeYa jei: “Ambouta jeta yeporaka regua reta, oyeporaka reta vaerä Israel iñemuña reta re. Jaɨkue rupi ambouta jeta maepïaro regua reta, oipïaro vaerä Israel iñemuña reta opaete ɨvɨtɨ guasu reta rupi, jɨsɨ rupi ani ɨ̈vavira oyeka vae ipäu rupi.

JEREMÍAS 24:9

Ayapota chupe reta vae rupi opaete tëtaguasu reta okɨɨye yaeta, jare omae kavi potaä jese reta; yogüɨrekota susere rupi jare ñeerä, yeyóyai yóyai rupi jare yepopeyurä opaete ɨvɨ rupi che amoai moaia rupi.

JEREMÍAS 39:9

Jare Nabuzaradán, sundaro omaeäro vae reta juvicha opa güɨraja Babilonia kotɨ, opaete tëta guasu pe opɨtagüe reta, oñemoïru jae reta ndive vae reta, jare opaetei.

JEREMÍAS 52:15

Javoi Nabuzaradán güɨraja Babilonia kotɨ paravete vae reta jare opaete opɨtagüe, jare oñemee mburuvicha guasu Babilonia pegua ipo pe vae, jare opaete tëta pegua reta.

JEREMÍAS 52:8

Ërei ngatu sundaro reta Caldeaɨgua oaɨkuemoña mburuvicha guasu Sedequías, jare oupitɨ reta ɨvɨpe kavi Jericó pegua pe. Jare opaete isundaro reta oeya.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

LAMENTACIONES 4:15

Opaete jei chupe vae: “¡Pesɨrɨ, jókuae ikɨa Tumpa jóvai vae güi! ¡Pesɨrɨ chugüi! ¡Agüɨye peyavɨkɨ!” Opa otekuarai reta jare opa oñemoai moai reta. Tëtaguasu reta jei oyoupe: “Ngaraa etei ma yogüɨreko ye kuae pe.”

LAMENTACIONES 5:5

Roiko yeokuaiasɨ katu rupi; orekangɨ yae ma. Mbaetɨ oreveguarä mbutuu.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

DEUTERONOMIO 28:48

Jáeramo peyeokuaita perovaicho reta yandeYa ombou peve vae pe, peyɨmbɨaɨ reve, peɨuve reve, penandi reve, peporiau reve opaño mbaembae re; jae reta oñonota peré mbaravɨkɨ yavaetegüe opa regua pemokañɨtei.