LAMENTACIONES 1:20 - Biblia Guarani Tumpa Iñee

²⁰ ¡CheYa Tumpa, chepɨatɨtɨ yae aï! ¡Ayandu etei chepɨa onduku cheɨvɨte pe! Chepɨa-kërai, ayemongeta yave chepɨapochɨ yae vae re. Ikatu rupi, jeta yae oporoyuka vae, jare japɨpe rupi jeta mano.

LAMENTACIONES 1:20 ပူးပေါင်းရင်းမြစ်များ

JOB 30:27

Chembopɨanduku aputuumbae, ou oväe cheve ara reta mbɨatɨtɨ pegua.

JOB 33:27

Jae omae opaete kuimbae re, jare nde rere: “Cheyoa, ayavɨ, ërei Tumpa mbaetɨ oiporarauka cheve,

SALMOS 22:14

Aiko ɨ oyepɨyere vae rami; mbaetɨecha chekägüe iyoapɨa. Chepɨa iraitɨ rami, ochɨrɨrɨecha cheɨvɨte pe.

SALMOS 38:8

Opaetei cherete jasɨ, mbaetɨ etei chepɨ̈rata, ayandu chepɨa pe etei chemoäse.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

ISAÍAS 16:11

Jáeramo, chepɨa yaeo arpa ipu rami, Moab re jare Kir-hareset re.

ISAÍAS 38:14

Cheräse ärakua jare tapérai rami, ani pɨkasu rami. Cheköe amae ara kotɨ. ¡CheYa, aiporara aï, chemborɨ!

JEREMÍAS 14:18

Aja yave ñuu kotɨ, aecha tëogüe reta, ñeraro pe omanogüe reta; aike yave tëta guasu pe, aecha jovarurugüe, ñeemombeúa reta jare sacerdote reta ave opa yogüɨraja reta ïru ɨvɨ pe.’ ”

JEREMÍAS 14:20

CheYa, mbaetɨ roikuaku oreyoa, jare oreñemuñagüe reta iyoa; oreyoa ko ndekotɨ.

JEREMÍAS 2:35

‘Jekombae ko che, Tumpa ngaraa pochɨ cheve.’ Kuae rere vae jeko pegua che rojäata. Echa rere: ‘Mbaetɨ ko cheyoa.’

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 4:19

¡Chepɨa jasɨ chepɨatɨtɨ güi! ¡Chepɨa ikaviä yae! ¡Mbaetɨ chepuere chekïrii! Aendu mimbɨguasu iñee, jare täsémbai sapúkai ñeraro pegua vae.

JEREMÍAS 48:36

Jáeramo chepɨatɨtɨ Moab re, jare opaete Kir-hares pegua reta re, mimbɨñee mano pegua rami, echa imbaeyekou reta opa okañɨtei.

LAMENTACIONES 1:11

Opaete pɨpegua reta oyaeo reve oyembieka; omee reta opaete imbaembae jepɨ vae tembíu re, agüɨye vaerä jovaruru reta. ¡CheYa Tumpa, emae kërai aiporara yae aï vae re!

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 1:8

Jerusalén tuicha iyoa, jókuae jeko pegua opa oyererajauka. Tenonde yave rupi omboetese reta vae, añave rupi güɨröɨro, oecha reta ramo inandi. Kuae jeko pegua iä-yekɨi oyaeo jare oñomi jova.

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

LAMENTACIONES 2:11

Cheresaɨ veä ma ayaeo mbatee güi, cheɨvɨte pe etei ayandu, jare chepɨa jëogüe yae, aecha ramboeve oyemboai cherëtaɨgua reta jëta guasu; michia okambu vae reta ave omano tëta guasu joka guasu rupi.

LAMENTACIONES 5:16

Oreyemboetea opa oregüi; ¡maera pa ko!, echa oreyoa.

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.

DANIEL 9:5

oreyoa, royapo ikavimbae, royapo jupimbae; orepɨa pochɨ jare royembosɨrɨ ndeporookuai reta güi.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

HABACUC 3:16

Opaete kuae aendu yave ayandu akɨɨye yae, jare cherembe osɨsɨi, chekägüe reta opa jëogüe, opaete cherete orɨrɨi. Jökorai reve aäro pɨagüiveta Tumpa ombou mbɨatɨtɨ vae iara pe, jókuae sundaro reta yogüeru oremboai vaerä yave.

DEUTERONOMIO 32:25

Kɨsepuku oporoyukata ikatu rupi, jare o japɨpe rupi kɨɨye; omanota kunumi jare kuñatai, ndechi reta jare vi michia okambu vɨteri vae reta.