LAMENTACIONES 1:12 - Biblia Guarani Tumpa Iñee

¹² Tape rupi peasa vae reta, ¿mbaetɨ pa cheparareko pemae cheré? ¡Pemae jare peyemongeta!, ¿oime ra che rami oiporara yae vae? ¡Echa cheYa ko oiporarauka cheve iyarasɨ iara pe!

LAMENTACIONES 1:12 ပူးပေါင်းရင်းမြစ်များ

SALMOS 88:16

Reitɨ cheré ndearasɨ reta, kɨɨye reta rembou cheré vae chemoamɨri;

ISAÍAS 13:13

Echa, ara omokanata, jare ɨvɨ osɨrɨta jenda güi, chearasɨ aitɨta jókuae ara vae jeko pegua, chearasɨ yaeta jókuae ara.

JEREMÍAS 10:19

—¡Maera pa ko ayemboai apɨta! ¡Chepere jasɨ yae! Ërei, ¡taiporara kuae tembiporara reta!

JEREMÍAS 18:16

Jökorai iɨvɨ oipoepɨ, ɨvɨ ipombae pe, opaete vae okɨɨye yae vaerä jekuae avei pegua. Opaete oasa jokoropi vae iñäka ombovavata jare ipɨakañɨta jese.

JEREMÍAS 30:23

YandeYa iyarasɨ ama ɨvɨtuai reve vae rami ko, ama ɨvɨtuai reve rami oyepɨu iyoa vae reta re.

JEREMÍAS 30:24

YandeYa iyarasɨ ngaraa oasa, jae oipota vae, opa oyapo regua. Oväeta ara peikuaa vaerä kuae mbaembae reta.

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 4:8

Jáeramo peyemonde temimonde mbɨatɨtɨ pegua pe, peyaeo jare peräse pepɨatɨtɨ güi, echa yandeYa iyarasɨ mbaetɨ osɨrɨ oï yandegüi.”

JEREMÍAS 48:27

Moab, ¿reyóyai yoyaiä pa ko Israel yepi, jare nemiari jese reröɨro reve, metei imonda vae re rami?

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 2:1

¡Kërai yandeYa opa oñova pɨtumimbi pe, tëta Sión pegua reta iyarasɨ rupi! Ɨvate güi oitɨ tëta Sión ipöra yae vae, ara güi oitɨ ɨvɨ pe rami; iyarasɨ iara pe, mbaetɨ imaendúa itupao re.

LAMENTACIONES 2:13

¿Kia ndive pa romboyovaketa ani rombojaangata, Jerusalén? ¿Mbae re pa ambojaangata ndeve, rombopɨakatu vaerä tëta chembae vae Sión? Echa ɨguasu tuicha yae rami resusere; ¿kia pa ndembogüerata?

DANIEL 9:12

Nde, rembou ikavimbae yae vae oreré vae rupi, rembopo jókuae reñererökuavee rembou vaerä oreve vae jare oreruvicha reta re vae; echa mbaetɨi rembou mbaeporara ɨvɨ re, Jerusalén re rembou rami.

JOEL 2:2

Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

San Mateo 24:21

Echa jókuae ara reta pe oimeta tembiporara guasu yavaetegüe ɨvɨ pegua reta pe. Mbaetɨi jókuae nunga iyɨpɨ güive añave regua vae, jare ngaraai oime ye jókuae nunga.