LAMENTACIONES 1:10 - Biblia Guarani Tumpa Iñee

¹⁰ Tovaicho reta oyemombae opaete Jerusalén pegua mbaembae jepɨ vae re. Jerusalén oecha ketɨgua reta oike o mbaemboetea pe vae, ¡reporookuai tëi agüɨye vaerä ketɨgua reta oike pɨpe vae pe!

LAMENTACIONES 1:10 ပူးပေါင်းရင်းမြစ်များ

2 CRÓNICAS 36:18

Jaeramiño vi tembiporu Tumpa jo pegua, tuicha vae ani michi vae, jare tupao pe mbaembae oñeñovatu vae jare mburuvicha guasu imbae jare iyɨvɨrigua reta imbae, opaetei güɨraja Caldeaɨgua reta juvicha guasu Babilonia pe.

NEHEMÍAS 13:1

Jókuae ara rupi oyemongeta Moisés jembikuatía, jare opaete vae reta oendu oyekuatía oï pɨpe, kërai tëta Tumpa imbae vae reta agüɨyeta kërai ave oñemoïru Amón iñemuña reta jare Moab iñemuña reta ndive vae.

ISAÍAS 63:18

¡Mbovɨ año rupiño ndembae vae reta oñeñono tee vae yogüɨreko ɨvɨ iyarä! Orerovaicho reta opa omboai ndero mbaemboetea pegua.

JEREMÍAS 15:13

Israel, romeeta ndeyoa reta jeko pegua nderovaicho reta ipo pe, ndembaeyekou reta jare opaete ndembaembae reta jepɨ vae, opaete renoi ndeɨvɨ pe vae, güɨrajaiño vaerä iyeupe reta.

JEREMÍAS 20:5

Ameeta vi tovaicho reta ipo pe opaete mbaeyekou kuae tëta guasu pegua, opaete mbaembae jare opaete mbaembae jepɨ vae reta, jare opaete mburuvicha guasu Judá pegua imbaembae jepɨ vae reta, güɨraja vaerä Babilonia pe.

JEREMÍAS 27:19

Mburuvicha guasu Nabucodonosor güɨraja yave Babilonia kotɨ Jerusalén güi Jeconías, Joacim taɨ, jae ko Judá pegua mburuvicha guasu, güɨraja vi opaete iyɨvɨrigua mburuvicha reta Judá pegua jare Jerusalén pegua ndive, ërei mbaetɨ güɨraja okɨta reta, ɨrɨru guasu, iguapɨka reta jare tembiporu reta oimeño opɨta tupao pe vae. YandeYa Imbaepuere yae ete vae, Israel iTumpa jei kuae tembiporu reta regua, opɨtaño tupao pe vae, jare mburuvicha guasu Judá pegua jo pe vae, jare Jerusalén pe vae re:

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

JEREMÍAS 51:51

Pe reta pere: “Oremara yae roï, echa roendu ikavimbae oyapo reta orekotɨ vae. Oremomaraiuka yae, echa ketɨgua reta oike, tupao ikɨambae yae vae pe.”

JEREMÍAS 52:13

jare oapɨ yandeYa itupao, mburuvicha guasu jo jare opaete o reta Jerusalén pegua; opaete o tuichagüe reta;

LAMENTACIONES 1:7

Jerusalén imaendúa, pɨpegua reta opa oa tovaicho reta ipo pe jare mbaetɨ kia omborɨ vae yave, imaendúa jae ipɨatɨtɨ opɨta vae re, jare oyembopɨapochɨ vae re. Imaendúa vi jeta mbaembae ipöragüe güɨreko arakae güive vae re. Jovaicho reta oecha yave jókuae, oyóyai yóyai reta opa oyemboai vae re.

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

EZEQUIEL 7:22

Che asɨrɨta chugüi reta, jare amaeñota omboeteä vaerä chero. Omaepɨ̈ro vae reta oiketa jare omongɨa retata.

EZEQUIEL 9:7

Jare jei chupe reta: “Pekua tupao pe jare pemongɨa tugüɨ pe, pemotɨnɨe tëogüe pe tupao joka.” Oë reta jare omboɨpɨ oyuka tëta guasu pegua reta.

San Marcos 13:14

Jare peechata ikavimbae yae oyeapo vae, ñemombeúa Daniel omoërakua vae. (Omongeta vae toikuaa). Jayave Judea pegua reta totekuarai ɨvɨtɨ guasu kotɨ.

DEUTERONOMIO 23:3

Agüɨye toike Amón iñemuña pegua ani Moab iñemuña pegua yandeYa imbae vae reta ipɨte pe, ñemuña yoapɨ ave agüɨye toike.

DEUTERONOMIO 23:4

Echa Egipto güi peyu jare peasa yave iɨvɨ reta rupi, mbaetɨ oë perövaiti tembíu ndive ani ɨ ndive, jaeño omboepɨ Balaam, Beor taɨ jae ko Mesopotamia pegua pe, oyepopeyu vaerä pekotɨ.