LAMENTACIONES 1:1 - Biblia Guarani Tumpa Iñee

¹ ¡Kërai ipombae opɨta, tëta guasu jeta yepi pɨpe vae! ¡Kuae tëta guasu jërakua ïru tëtaguasu reta rupi vae, ou opɨta kuña imemano vae rami! Tenondeguarä oiko yepi vae, añave ombaemboepɨ vaerä ma oiko.

LAMENTACIONES 1:1 ပူးပေါင်းရင်းမြစ်များ

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

2 REYES 23:33

Faraón Necao güɨreko tembipɨɨrä Joacaz tëta Ribla pe, ɨvɨ Hamat pe, agüɨye vaerä oiko mburuvicha guasurä Jerusalén pe; jare oñono tëtaguasu ombaemboepɨ vaerä tres mil tresciento kilo korepoti jare treinta y tres kilo oro.

2 REYES 23:35

Joacim omee korepoti jare oro Faraón pe, jae oiporu chupe vae; kuaerä oeka kërai okovara vaerä opaete jókuae tëtaguasu pegua reta pe. Metei ñavo ombaemboepɨ korepoti pe jare oro pe imbaembae oime rupi, Faraón Necao peguarä.

2 CRÓNICAS 9:26

Jare güɨnoi mbaepuere opaete mburuvicha guasu reta re Éufrates güive filisteo reta iɨvɨ kotɨ jare ɨvɨ Egipto jembeɨ pe.

ESDRAS 4:20

Jare Jerusalén pe yogüɨrekose yepi mburuvicha guasu imbaepuere yae vae reta, iporookuaía reta oupitɨ yepi ɨ̈aka Éufrates jovaicho rupi, jare omboepɨuka yepi chupe reta opaete mbaembae regua.

NEHEMÍAS 5:4

Amogüe reta jei: “Roiporu ko korepoti oreɨvɨ regua jare oreuvarupa regua, romboepɨ vaerä mburuvicha guasu peguarä oyekovara vae.” Jei reta vi:

NEHEMÍAS 9:37

Kuae ɨvɨ pe jeta mbaembae oñemuña vae, opɨta mburuvicha guasu reta ambuae vae reñono oreré vae jou vaeräño; jókuae mburuvicha reta güɨnoi mbaepuere oreré oreyoa jeko pegua jare orerɨmba reta re vi. Jáeramo, roiporara yae roï.”

SALMOS 122:4

Jokotɨ yogüɨraja ñemuña yandeYa imbae vae reta, mborookuai oñemee Israel pe rami, omboete vaerä yandeYa jee.

ISAÍAS 14:12

¡Maera pa ko rea ara güi, yasɨtata köembiya, jembipeasɨ köe-pota yave vae! Reyeitɨuka ɨvɨ re, nde remoamɨri yepi tëtaguasu reta vae.

ISAÍAS 22:2

Tëta guasu oyembokepegua jare jäsémbai pɨpe vae, tëta guasu oyerovia katu vae; kuae tëta guasu pe omanogüe reta, mbaetɨ ko omano kɨsepuku pe, mbaetɨ vi ko omano reta ñeraro pe;

ISAÍAS 3:26

Tëta pegua reta oyaeota, jare omondeta temimonde mbɨatɨtɨ pegua, jare ipombae opɨtata.

ISAÍAS 49:21

Jare nde rereta ndepɨa pe: ‘¿Kia ra omee kuae reta chemembɨrä? Echa chemembɨmbae ko apɨta, cheño etei ko aiko yepi; aiko yepi mombɨrɨ ɨvɨ ambuae pe. ¿Kia ra ombokuakuaa kuae reta? Cheño etei ko apɨta, ¿ketɨ güi ra yogüeru kuae reta?’ ”

ISAÍAS 50:5

YandeYa Tumpa omee arakuaa katu cheve, jare mbaetɨ ayembopɨapochɨ, mbaetɨ ayerova ye cheraɨkue kotɨ chugüi.

ISAÍAS 52:2

Jerusalén, emotumo ɨvɨ ndeyeugüi, epüa eguapɨ. Eyora ndeayu iñapɨtía, nde Sión, tembipɨɨrä reï vae.

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

JEREMÍAS 31:7

YandeYa jei: “Petairari vɨakatu jare yerovia katu pegua tairari Jacob iñemuña reta re, echa jae reta ko tenondegua opaete tëtaguasu reta güi vae. Peenduka pembaemboete, pere: ‘YandeYa oepɨ imbae vae reta, Israel güi jembɨregüe.’

JEREMÍAS 40:9

Jare Gedalías, Ahicam taɨ, Safán jɨmɨmino, Tumpa jee re jei chupe reta: “Agüɨye pekɨɨye peyeokuai Caldeaɨgua reta pe. Pepɨta peiko kuae ɨvɨ pe, peiko mburuvicha guasu Babilonia pegua jeia re, jare ikavita peiko.

JEREMÍAS 42:2

yogüeru jei reta Jeremías pe: —Roiporu ndeve añave, agüɨye neäteɨ oreve: Eyerure ndeYa Tumpa pe oreré, ore mbovɨ ropɨtagüe re. Tenonde yave jeta yae ko roikose, ërei añave mbovɨ yae ropɨta, reecha rami.

JEREMÍAS 44:2

“Che peYa Imbaepuere yae ete vae Israel iTumpa, jae: ‘Pe reta peecha opaete susere reta ambou Jerusalén re vae jare Judá pegua tëta guasu reta re vae. Añave jókuae tëta guasu reta opa oyemboai oï, ipoä etei ñogüɨnoi,

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

JEREMÍAS 50:23

¡Babilonia, martillo rami opaete ɨvɨ pegua reta re vae, oyeakɨo opɨta, opa oyembojaɨ jaɨ! ¡Okɨɨye rai yae tëtaguasu reta, oecha yave kërai Babilonia oasa vae!

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

LAMENTACIONES 1:19

Asapúkai tëi cheraɨu vae reta pe, ërei jae reta chembotavɨ. Chesacerdote reta jare chetenondegua reta opa omano tëta guasu pe, oeka reta tëi tembíu, agüɨye vaerä jovaruru.

LAMENTACIONES 2:1

¡Kërai yandeYa opa oñova pɨtumimbi pe, tëta Sión pegua reta iyarasɨ rupi! Ɨvate güi oitɨ tëta Sión ipöra yae vae, ara güi oitɨ ɨvɨ pe rami; iyarasɨ iara pe, mbaetɨ imaendúa itupao re.

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

LAMENTACIONES 4:1

¡Kërai ikɨa oro! ¡Kërai oro oyeambae mbaetɨ ma jembipe! O mbaemboetea pegua ita reta opaetei oñemoai ñogüɨnoi kaye rupi.

LAMENTACIONES 5:16

Oreyemboetea opa oregüi; ¡maera pa ko!, echa oreyoa.

EZEQUIEL 26:16

Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

EZEQUIEL 26:2

“Nde kuimbae, Tiro jei Jerusalén kotɨ: ‘¡Tëta guasu Jerusalén opa oyemboai! Tëtaguasu pegua reta omaemee jare ombaegua yepi pɨpe vae. ¡Añave che mo tayemboikokatu, jae oyemboai oï ramboeve!’

EZEQUIEL 5:5

Che ndeYa Tumpa jae körai: Jae kuae Jerusalén. Che ko añono oï vaerä mbɨte pe tëtaguasu reta pe, jare iyɨvɨrigua reta peguarä.

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.