JUECES 9:56 - Biblia Guarani Tumpa Iñee

⁵⁶ Jökorai Tumpa omboepɨuka Abimelec pe oporoyuka vae, echa oyapo ikavimbae tu kotɨ, opa oyuka setenta tɨkeɨ reta vae rupi.

JUECES 9:56 ပူးပေါင်းရင်းမြစ်များ

GÉNESIS 9:5

Echa che añetete ayepɨta ko perugüɨ re; opaete mbaemɨmba re jare kuimbae re. Kuimbae ñavo re ayepɨta japicha jekove re chupe.”

GÉNESIS 9:6

“Kia ñavo japicha oyuka yave, jae tomano vi japicha ipo pe. Echa kuimbae, Tumpa rami ko ayapo.

JOB 31:3

¿Jeko pɨ̈chɨi vae retaä yera osusereta, ani iyoa vae reta?

SALMOS 11:6

Jeko kavimbae reta re ombouta mbaesusere tuicha vae, omongɨta jese reta tata azufre ndive, jare ɨvɨtuakuvo ombouta jese reta oapɨ vaerä. ¡YandeYa oiporaraukata chupe reta jeko re!

SALMOS 9:12

Echa Tumpa mbaetɨ iñakañɨ oporoyuka vae reta güi, mbaetɨ iñakañɨ oiporara vae reta isapúkai güi.

SALMOS 94:23

Jae ko omboyevɨta jeko aeño iyoa vae reta re. ¡YandeYa Tumpa ko opata omokañɨtei reta!

PROVERBIOS 5:22

Iyoa vae oyepokoita jeko pe aeño; jare oñeapɨtiukata iyoa pe aeño.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

Hechos 28:4

Jare joko pegua reta oecha yave mboi osagüɨu oï Pablo ipo re, jei reta oyoupe: “Kuae kuimbae oporoyuka vae yepe. Oasa yepe tëi ma ɨguasu güi, ërei Tumpa mbaetɨ omaeño oikoño vaerä.”

Gálatas 6:7

Agüɨye peyembotavɨ. Tumpa oyeyóyai yoyaiukambae ko. Echa metei ñavo oyapogüe, jókuae ko oarɨvota.

JUECES 9:24

jökorai Abimelec pe jekovia vaerä setenta Jerobaal taɨ reta opa oyuka vae, jare vi Siquem pegua reta oporomborɨ katu vae pe.

JUECES 9:55

Israel iñemuña reta oecha yave Abimelec omano, opa ye yogüɨraja jëta jëta ae kotɨ.

JUECES 9:57

Jare Tumpa omee vi Siquem pegua reta omboepɨ vaerä iporoyuka. Jökorai Jotam iyepopeyu ou oyembopo, jae ko Jerobaal taɨ.