JUECES 9:28 - Biblia Guarani Tumpa Iñee

²⁸ Jare Gaal, Ebed taɨ jei: “¿Mbae mbatee pa Abimelec, Jerobaal taɨñoä pa ko, Zebul jaeä pa imborɨa? ¿Kia pa Siquem oiko vaerä Abimelec jeia re? Yayeokuai Hamor pe, jae ko kuae tëta omboɨpɨ vae, jare agüɨye yaiko Abimelec, Jerobaal taɨ jeia re.

JUECES 9:28 ပူးပေါင်းရင်းမြစ်များ

GÉNESIS 33:19

Joko pe ogua ɨvɨ cien reare pe Hamor taɨ reta güi, jae ko Siquem tu, jare joko pe oñono jeyupa.

GÉNESIS 34:2

ërei Siquem, Hamor heveo iñemuña taɨ mburuvicha jókuae tëta pegua, oecha, jare oipɨɨ kuñatai ipɨa rupiä jare oasa jae ndive.

GÉNESIS 34:6

Jökorai ramboeve Hamor, Siquem tu, ojo Jacob pɨri imiari vaerä jae ndive.

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

JUECES 9:26

Jare Gaal, Ebed taɨ oasa jëtara reta ndive Siquem rupi, jare Siquem pegua reta güɨrovia katu jese reta,

JUECES 9:41

Jare Abimelec opɨta Aruma pe; jare Zebul opa omoë omombo Gaal jëtara reta ndive, agüɨye vaerä ma yogüɨreko Siquem pe.

1 SAMUEL 25:10

Jare Nabal jei David jemimondo reta pe: —¿Kia pa jókuae David? ¿Kia pa jókuae Isaí taɨ? Jeta ko añave rupi tembiokuai reta iya güi otekuaraigüe.