JUECES 9:27 - Biblia Guarani Tumpa Iñee

²⁷ kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.

JUECES 9:27 ပူးပေါင်းရင်းမြစ်များ

SALMOS 109:17

Iyepopeyuse yae, jayave ¡toyepopeyu reta jese vae! Mbaetɨ oipota ñee kavi, jayave ¡agüɨye etei tiñee kavi reta ikotɨ vae!

ÉXODO 32:19

Jare Moisés ou ma oväe teyupa pe yave, oecha toro taɨrusu vae iä, jare güɨropo ñogüɨnoi vae, jare Moisés ou iyarasɨ jare oitɨ ɨvɨ re mókoi ita ipe vae güerugüe, opa oyoka ɨvɨtɨ igüɨ pe;

ÉXODO 32:6

Pɨareve pe opüa reta ndeimboveasɨ, jare omee reta mɨmba oyeyukagüe opaetei oyeapɨ vae jare mbota mbɨakatu pegua, javoi oguapɨ reta okaru, okau, jare opüa reta güɨropo.

JEREMÍAS 25:30

Nde, Jeremías, emoërakua opaete kuaekuae reta. Ere chupe reta: ‘CheYa iñeeäta ɨvate güi, jae oikoa ikɨambaea güi. Imbae vae reta kotɨ iñeeäta; uva oitɨami vae itairari, otairarita opaete ɨvɨ pegua reta kotɨ.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

OSEAS 7:14

Jupa pe ñogüɨnoi yave mbaetɨ osapúkai ipɨa ndive, trigo jare vino oata yave osapúkai reta oyembopere reve. ¡Oyembopɨapochɨ reta chekotɨ!

LEVÍTICO 24:11

Jare kuae kuña Israel iñemuña pegua imembɨraɨe oyangao Tumpa; jare güɨraja reta Moisés jóvai. Ichɨ ko jee Selomit, Dibri tayɨ, jae ko Dan iñemuña pegua;

JUECES 16:23

Jayave filisteo reta juvicha reta oyomboatɨ omee vaerä mɨmba oyeyukagüe itumpa Dagón pe, jare otairari reta: “Ñanetumpa ko omee yandepo pe yanderovaicho Sansón.”

JUECES 8:33

Gedeón omano güire Israel iñemuña reta jekuae oyerova ye Tumpa güi omboete vaerä baal reta, jare oiparavo reta itumparä Baal-berit.

JUECES 9:26

Jare Gaal, Ebed taɨ oasa jëtara reta ndive Siquem rupi, jare Siquem pegua reta güɨrovia katu jese reta,

JUECES 9:4

Jare Baal-berit itupao güi oekɨ reta setenta reare korepoti pegua omee Abimelec pe. Jókuae korepoti pe Abimelec omboepɨ kuimbae reta yogüɨrekoiño vae pe yogüɨraja vaerä jupíe

JUECES 9:46

Kuae oikuaa yave o ɨvate Siquem pe ñogüɨnoi vae reta, opa oñepɨ̈ro itumpa Berit itupao pe.

1 SAMUEL 17:43

Jare jei David pe: —¿Yaɨmba pa che, reyu vaerä cheve ɨvɨra ndive? Jare oyepopeyu David kotɨ opaete itumpa reta jee re.