JUECES 8:33 - Biblia Guarani Tumpa Iñee

³³ Gedeón omano güire Israel iñemuña reta jekuae oyerova ye Tumpa güi omboete vaerä baal reta, jare oiparavo reta itumparä Baal-berit.

JUECES 8:33 ပူးပေါင်းရင်းမြစ်များ

2 REYES 12:2

Jare Joás oyapo jaekavi vae yandeYa jesa róvai, opaete ara sacerdote Joiada omboarakuaa ramboeve.

JEREMÍAS 23:27

¿Oyemongeta reta ra, jókuae ipaɨu reta re imiari oyoupe vae rupi omombiata chegüi chembae vae reta, iñemuñagüe reta ñakañɨ chegüi jare omboete reta Baal rami?

JEREMÍAS 3:9

Jare jókuae mbaeä etei chupe oyapo vae rupi güɨrokomegua kuae tëtaguasu. Yogüɨreko jupimbae cheróvai, omboete ita reta jare ɨvɨra reta.

JOSUÉ 24:31

Israel iñemuña reta oyeokuai yandeYa pe, Josué oikove oiko ramboeve jae reta ndive, jare jaɨkue rupi opaete ndechi reta Josué güi ɨma yogüɨreko vae reta, oikuaa opaete yandeYa oyapo mbaembae Israel iñemuña reta ndive vae.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 2:12

Oeya reta yandeYa, iñemuñagüe reta iTumpa, Egipto güi güɨnoe reta vae, jare oguata reta tumpa ambuae reta jupíe, iyɨ́vɨri rupi tëta reta ñogüɨnoi vae itumpa reta, jókuae omboete reta; jökorai omboarasɨuka reta yandeYa.

JUECES 2:17

Ërei Israel iñemuña reta mbaetɨi oyeapɨsaka jókuae mburuvicha reta re, oguata reta tumpa ambuae reta jaɨkue, jare jókuae omboete reta. Jarembaeño opia reta iñemuñagüe reta oyapose Tumpa iporookuai vae güi.

JUECES 2:19

Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.

JUECES 8:27

Jókuae oro güi Gedeón oyapo tumpa-raanga, jare oñono Ofra pe, jae jëta pe, jare opaete Israel iñemuña reta yogüɨraja joko pe jókuae tumpa-raanga jeko pegua jare opia reta Tumpa güi; kuae rupi ou yemboavai Gedeón pe jare jo pegua reta pe.

JUECES 8:32

Gedeón, Joás taɨ omano indechi yae pe, jare oñotɨ reta tu Joás jɨvɨa Ofra pe oïa pe, Abiezer iñemuña reta iɨvɨ pe.

JUECES 9:27

kuae reta ñogüɨnoe oipoo uva ko pe jare oyapo reta vino, oyapo reta vi arete tuicha vae, oike okaru jare okau reta itumpa-raanga reta jo pe, jei reve ñee kavimbae Abimelec kotɨ.

JUECES 9:4

Jare Baal-berit itupao güi oekɨ reta setenta reare korepoti pegua omee Abimelec pe. Jókuae korepoti pe Abimelec omboepɨ kuimbae reta yogüɨrekoiño vae pe yogüɨraja vaerä jupíe

JUECES 9:46

Kuae oikuaa yave o ɨvate Siquem pe ñogüɨnoi vae reta, opa oñepɨ̈ro itumpa Berit itupao pe.