JUECES 8:10 - Biblia Guarani Tumpa Iñee

¹⁰ Zeba jare Zalmuna ñogüɨnoi Carcor pe quince mil sundaro ndive, jaeño ma jókuae sundaro reta kuaraɨ oëa kotɨgua jembɨregüe, echa opa omano chugüi reta ciento veinte mil kuimbae ñeraro regua.

JUECES 8:10 ပူးပေါင်းရင်းမြစ်များ

2 REYES 3:26

Mburuvicha guasu Moab pegua oikuaa ñamɨri ma ñeraro pe yave, oiporu iyeupe seteciento kuimbae oikatu kɨsepuku pe oñeraro vae, oasa reta vaerä mburuvicha guasu Edom pegua kotɨ. Ërei mbaetɨ ipuere reta.

2 CRÓNICAS 13:17

Jare Abías jare isundaro reta ndive oparapiti jese reta, oyuka reta quiniento mil kuimbae oyeparavogüe Israel pegua reta.

2 CRÓNICAS 28:6

Peka, Remalías taɨ oyuka Judá pe metei ara pe ciento veinte mil kuimbae jëia vae, echa oeya reta ramo yandeYa iñemuñagüe reta Tumpa.

2 CRÓNICAS 28:8

Sundaro reta Israel pegua oipɨɨ dosciento mil tembipɨɨrä jëtara Judá pegua reta, kuña reta, kunumi reta jare kuñatai reta reve, jare opɨ̈ro reta jeta mbaembae jare güɨraja reta Samaria pe.

ISAÍAS 37:36

Jare oë yandeYa iaraɨgua, ojo jare oyuka Asiriaɨgua reta jeyupa pe ciento ochenta y cinco mil kuimbae; jare köe yave opüa reta yave, oecha reta opaete tëogüe yepeaiño ma.

ISAÍAS 9:4

Echa nde reyora tembipɨɨ oiporara ñogüɨnoi vae güi, mburuvicha iporonupa güi, mburuvicha imbaepuere güi, Reiporarauka chupe, tëtaguasu Madián pe reiporarauka rami.

JUECES 20:15

Jare Benjamín iñemuña tëta guasu reta güi oyomboatɨ vae, oupitɨ veintisei mil kuimbae ñeraro regua, oyepapambae reve seteciento kuimbae oyeparavogüe Gabaa pegua reta.

JUECES 20:17

Jare Israel iñemuña reta oyepapa vi, oyepapambae reve Benjamín iñemuña reta; opaete reve cuatrociento mil kuimbae ñeraro regua.

JUECES 20:2

Jare opaete tëta reta juvicha reta ñogüɨnoi Tumpa imbae vae reta iyemboatɨa pe, opaete Israel iñemuña pegua reta güi ñogüɨnoi cuatrociento mil kuimbae ñeraro regua.

JUECES 20:25

Ërei jókuae ara jekuae Benjamín iñemuña reta ñogüɨnoe ye Gabaa güi chupe reta jare jekuae oyuka ye ïru dieciocho mil kuimbae ñeraro regua reta.

JUECES 20:35

Jare yandeYa omee Israel iñemuña reta pe omoamɨri vaerä Benjamín iñemuña reta, jókuae ara Israel iñemuña reta oyuka veinticinco mil cien kuimbae ñeraro regua reta Benjamín iñemuña pegua reta.

JUECES 20:46

Benjamín iñemuña reta ñeraro regua omano veinticinco mil kuimbae.

JUECES 6:5

Echa jo guakapi pegua jare jɨmba reve reve yogüeru opa omboai ɨvɨ pegua mbaembae. Yogüeru jeta icamello ndive tuku ou opa mbae omokañɨtei rami.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.

JUECES 7:13

Jare Gedeón ojo oväe yave, metei kuimbae imiari oï ipaɨu re iñeïru pe, jei reve: —Che apaɨu. Cheke pe aecha cebada pegua mbɨyape, otokororo ou Madián iñemuña reta jeyupa kotɨ, ou oväe metei küaraɨa guakapi pegua pe jare oa jese yave opaetei oitɨ jókuae küaraɨa guakapi pegua.

JUECES 7:22

Jare jókuae tresciento vae reta jeiete omoñee mimbɨguasu. Jare yandeYa omoñerarouka oyoupii aeño opaete teyupa pegua reta. Jare tovaicho reta otekuarai yogüɨraja regua oväe Bet-sita kotɨ, Zerera re katu, Abel-mehola jembeɨ pe, Tabat pe.

JUECES 8:11

Gedeón ojo tape ñuu jembeɨ rupi ojo vae rupi. Noba jare Jogbeha güi kuaraɨ oëa kotɨ, jare oë chupe reta mbaetɨ oyangareko ñogüɨnoi yave.