JUECES 7:8 - Biblia Guarani Tumpa Iñee

⁸ Jare omombɨta tembíu jare mimbɨguasu kuimbae reta peguarä yave, opa ye omondo jëta jëta ae kotɨ opaete ïru Israel reta, jaeño omombɨta jókuae tresciento kuimbae reta. Madián iñemuña reta jeyupa opɨta ɨ́vɨkotɨ chugüi reta, ipe kavía pe.

JUECES 7:8 ပူးပေါင်းရင်းမြစ်များ

ISAÍAS 27:13

Jare jókuae ara oñemoñeeta temimbɨguasu, jare opa oñemoai ñogüɨnoi Asiria rupi vae reta, jaeramiño vi Egipto pe ñogüɨnoi vae reta, yogüeruta omboete yandeYa tëta Jerusalén pe, jae ko ɨvɨtɨ oñeñono tee vae re.

LEVÍTICO 23:24

“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

LEVÍTICO 25:9

chiúa yasɨ pe, payandepo ara pe, mɨmba oyeyukagüe cheɨ̈ro vaerä mbaeyoa re vae iara pe, pemoñeeuka täta temimbɨ vecha kuimbae-räti pegua opaete peɨvɨ rupi.

NÚMEROS 10:9

Jare peɨvɨ pe ma peiko yave, peë peñeraro perovaicho oporepeña peré vae reta ndive yave, toñemoñee pɨi pɨi sapúkai reve mimbɨguasu reta; peYa Tumpa imaenduata peré, jare pereepɨta perovaicho reta güi.

1 Corintios 15:52

metei jeia pe, ñaneresapïri rami Tumpa jemimbɨguasu opa oñee yave. Echa omoñeeta mimbɨ guasu, jare omanogüe reta oikove yeta oikomeguambae vaerä, jare yande yayepoepɨta.

JOSUÉ 6:20

Jayave opaete vae osapúkai, jare sacerdote reta omoñee mimbɨ reta; jare opaete vae oendu yave mimbɨ ñee, osapúkai reta täta, jare tëta guasu ikësea osururu. Jayave opaete vae oyeupi tëta guasu re, metei ñavo vae oyeupi sɨmbi jenonde kotɨ, jare opïro reta.

JOSUÉ 6:4

Jare chiu sacerdote togüɨraja chiu mimbɨ vecha kuimbae-räti pegua Tumpa ikäjou jenonde; jare chiúa ara pe peyere chiu ye tëta guasu re, jare sacerdote reta tomoñee mimbɨ reta.

JUECES 3:27

Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.

JUECES 6:33

Jayave opaete Madián iñemuña reta jare amalecita reta jare kuaraɨ oëa kotɨgua reta oyomboatɨ jare oasa reta ɨ̈aka Jordán, jare oyembojeyupa reta ɨvɨtɨ päu ipe kavi vae Jezreel pe.

JUECES 7:7

Jayave yandeYa jei Gedeón pe: “Kuae tresciento kuimbae ipo pe ɨ jou vae reta rupi poepɨta, jare ameeta Madián iñemuña reta ndepo pe; jare opaete ïru reta toyogüɨraja ye jëta jëta ae kotɨ.”

JUECES 7:9

Jayave jókuae pɨ̈tu yandeYa jei chupe: “Epüa, jare egüeyɨ teyupa kotɨ; echa che ko amee reta ndepo pe.