JUECES 7:3 - Biblia Guarani Tumpa Iñee

³ Jáeramo, añave ere opaete vae pe, kia ñavo okɨɨye yave, toyerova ye jëta kotɨ kuae Galaad iɨvɨtɨ güi.” Jare oyerova ye veintidó mil kuimbae, jare opɨta diez mil.

JUECES 7:3 ပူးပေါင်းရင်းမြစ်များ

San Mateo 13:21

Ërei kuae temitɨ japo mbaetɨ mombɨrɨ ojo ɨ́vɨkotɨ ramo mbaetɨ ɨma oiko. Echa, oime mbɨatɨtɨ ani tembiporara Tumpa iñee jeko pegua yave, jupiveiño ogüɨapi.

San Mateo 20:16

Jökorai Tumpa ombotaɨkueta oyembotuicha vae reta, jare ombotenondeta oñemomichi vae reta. Echa jeta ko oñeenɨi vae, ërei mbovɨño oyeparavo vae.”

DEUTERONOMIO 20:8

Jaɨkue rupi mburuvicha reta timiari sundaro reta pe, körai: ‘Oime yave kia okɨɨye jare ipuereä vae, tojo ye jëta pe, agüɨye vaerä ombopɨtu japicha reta.’

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

JUECES 6:35

Jare omondo ñee jerajaa reta opaete Manasés iñemuña reta pe, jare jae reta vi oyomboatɨ jae ndive; jökoraiño vi omondo ñee jerajaa reta Aser, Zabulón jare Neftalí iñemuña reta pe, jare jae reta oë oövaiti.