JUECES 7:19 - Biblia Guarani Tumpa Iñee

¹⁹ Gedeón jare cien kuimbae jae ndive güɨraja vae reta opa yogüɨraja oväe teyupa jembeɨ ïru pe, pɨare mbɨte yave sundaro omaeäro vae reta opa ramo oyopoepɨ yave; jare omoñee reta mimbɨguasu, jare oyoka reta tinaa ipo pe güɨraja reta vae.

JUECES 7:19 ပူးပေါင်းရင်းမြစ်များ

SALMOS 2:9

Remoamɨrita mbaepuere yae rupi, ¡mbaerɨru ñaeu pegua rami remonguruvita!”

SALMOS 90:4

Echa, mil año vae, nderesa róvai, kárumbo vae ramiño ko. Ani mbovɨ ora pɨ̈tu yave vae ramiño ko.

ÉXODO 14:24

Jare köe ma ou yave yandeYa omae Egiptoɨgua reta kotɨ jókuae amapɨtu güi, metei jɨsɨ tata vae güi, jare ombopɨajopa Egiptoɨgua reta,

San Mateo 25:6

Jare pɨare mbɨte yave oyeendu ñee: ‘Mase, ko ou ma oväe kuimbae omendata vae.’ Pekua peövaiti.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

Apocalipsis 16:15

YandeYa jei: “Mase, ko ayu imonda vae rami, oyerovia ko jókuae oñemokätɨro vae, jare jemimonde omongɨambae vae, agüɨye vaerä inandi reta jare güɨromara inandi.”

JUECES 7:16

Jare omboyao jókuae tresciento kuimbae mboapɨ yemboyao pe, jare omee opaete vae ipo pe mimbɨguasu jare tinaa ipombae japɨpe pe mechero jendɨ reve.

JUECES 7:18

Che amoñeeta mimbɨguasu, jare opaete che ndive ñogüɨnoi vae reta; jayave pe reta pemoñee vi mimbɨ guasu opaete teyupa jembeɨ rupi, jare pesapúkai: “¡OreYa jee re jare Gedeón re!”

JUECES 7:20

Jare jókuae mboapɨ yemboyao vae reta omoñee mimbɨguasu jare oyoka reta tinaa, jare oipɨɨ reta iyasu kotɨ imechero, jare iyakatu kotɨ mimbɨguasu omoñee reta vae, jare osapúkai reta: “¡OreYa jee re jare Gedeón ikɨsepuku re!”