JUECES 7:13 - Biblia Guarani Tumpa Iñee

¹³ Jare Gedeón ojo oväe yave, metei kuimbae imiari oï ipaɨu re iñeïru pe, jei reve: —Che apaɨu. Cheke pe aecha cebada pegua mbɨyape, otokororo ou Madián iñemuña reta jeyupa kotɨ, ou oväe metei küaraɨa guakapi pegua pe jare oa jese yave opaetei oitɨ jókuae küaraɨa guakapi pegua.

JUECES 7:13 ပူးပေါင်းရင်းမြစ်များ

1 Corintios 1:27

Echa Tumpa oiparavo ko mbaetɨ arakuaa ɨvɨ pegua güɨnoi vae reta, omomaraiuka vaerä iyarakuaa katu vae reta. Jaeramiño vi Tumpa oiparavo mbaetɨ mbaepuere güɨnoi vae reta, omomaraiuka vaerä mbaepuere güɨnoi vae reta.

JUECES 3:15

Jare oyerure reta mbɨatɨtɨ ndive yandeYa pe; jare yandeYa omopüa chupe reta metei oporoepɨ vae, jae ko Aod iyasu vae, Gera taɨ, Benjamín iñemuña pegua. Metei ara Israel iñemuña reta omondo jae ndive mbaemboepɨ Eglón mburuvicha guasu Moab pegua pe.

JUECES 3:31

Jaɨkue rupi oiko Samgar, Anat taɨ, jae oyuka seisciento kuimbae filisteo, ɨvɨra puku iyapɨ re güɨnoi jiero vae pe, güeye omoäkua (oyemboarea) pɨpe vae. Samgar oepɨ vi Israel iñemuña reta.

JUECES 4:21

Ërei Sísara ikangɨ yae güi jopeɨ jare oke. Jayave Jael oipɨɨ martillo jare metei etaka o guakapi pegua omoata jese vae, jare ojo oyeendumbae (vɨari) reve oyatɨka Sísara iñäka-ɨke re, oikutu ɨvɨ re. Jökorai omano Sísara.

JUECES 4:9

Débora jei: —Ajata nderupíe, jaeño kuae ñeraro reota reyapo vae rupi agüɨyeta reyembotuicha, echa yandeYa omee Sísara, kuña ipo pe. Jayave Débora ojo Barac jupíe Cedes pe.

JUECES 6:15

Ërei Gedeón jekuae jei ye: —Atataɨ cheya, ¿këraita pa aepɨ Israel iñemuña reta? Mase, ko cherëtara reta paravete vae ko Manasés iñemuña reta ipɨte pe, jare che ko taɨkuegua ete cherëtara reta ipɨte pe.

JUECES 7:12

Jare Madián iñemuña reta, jare Amalec iñemuña reta jare kuaraɨ oëa kotɨgua reta, oñemoai ɨvɨpe kavi rupi, tuku jeta yae vae rami, jare jɨmba camello reta oyepapa rapeä, ɨguasu jembeɨ pe ɨvɨkuitï jeta yae rami.

JUECES 7:14

Jare iñeïru jei chupe: —Kuae mbaetɨ ye ïru mbae, Gedeón, Joás Israel iñemuña pegua taɨ ikɨsepuku ko, Tumpa ko opa omee ipo pe Madián iñemuña reta, opaete jeyupa ndive.

JUECES 8:10

Zeba jare Zalmuna ñogüɨnoi Carcor pe quince mil sundaro ndive, jaeño ma jókuae sundaro reta kuaraɨ oëa kotɨgua jembɨregüe, echa opa omano chugüi reta ciento veinte mil kuimbae ñeraro regua.