JUECES 6:4 - Biblia Guarani Tumpa Iñee

⁴ Oyembojeyupa reta Israel iñemuña reta iɨvɨ pe jare güɨrokomegua reta chugüi jemitɨ, kuae ojoi oya ɨvɨ Gaza re, oeyambae reve Israel iñemuña reta pe mbae ave jou reta vaerä, vecha ave ani güeye reta ave ani mburika reta yepe.

JUECES 6:4 ပူးပေါင်းရင်းမြစ်များ

GÉNESIS 10:19

Cananeo iɨvɨ Sidón güive Gerar re katu, Gaza re ojo oya, jare Sodoma re katu, Adma jare Seboim, ojo oya Lasa re.

GÉNESIS 13:10

Lot omae yave oecha ɨvɨpe kavi ɨ̈aka Jordán jee vae iyɨ́vɨri, kuae ɨvɨ kavi ɨ katu, yandeYa oyapo arakae kó vae rami. Egipto pegua ɨvɨ rami. Kuae ɨvɨ kavi ojoi oya tëta raɨ Zoar re katu. YandeYa ndei opa omboai mbove tëta Sodoma jare Gomorra.

PROVERBIOS 28:3

Kuimbae paravete jare jeko kavimbae omaeñomi yave paravete vae güi, okɨrai yave opaetei güɨrokomegua oeya mbaagüɨye rami ko.

JEREMÍAS 5:17

Neremitɨ jare nderembíu jou retata, nemichia reta ave jou retata ndegüi. Ndevecha jare ndeguaka reta, ndeuva jare ndeɨva reta. Jembiporu ñeraro pegua pe omboaita tëta guasu oñekëse kavi vae, reyerovia jese vae.”

LEVÍTICO 26:16

che ayapota vi peve kuae: Ambouta peve kɨɨye yavaetegüe, peiporara yae vaerä, pembopɨtu yae vaerä, jare pemaetɨ tëiñota, echa perovaicho reta jou vaeräño ko.

ABDÍAS 1:5

“Imonda vae reta yogüeru yave omaeñomi vaerä pegüi pɨ̈tu yave, ngaraa opaete güɨraja pegüi; yogüeru yave peve ombaepoo vae reta, ngaraa opaetei oyevɨka jese pegüi. Ërei ngatu perovaicho reta opaeteita pemboai pereeya.

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 28:51

Jou retata perɨmba imembɨ reta, peremitɨ ia, opa pekañɨtei regua; mbaetɨta oeya peve trigo yepe, ani uva tɨgüegüe, ani olivo iasaite, peguaka imembɨ yepe, ani vecha imembɨ yepe, opa regua pemokañɨtei.

JUECES 6:3

Echa Israel iñemuña reta jemitɨ oime ñavo, Madián iñemuña reta, amalecita reta jare kuaraɨ oëa kotɨgua reta yogüeru oporepeña jese reta.