JUECES 6:34 - Biblia Guarani Tumpa Iñee

³⁴ Jayave, yandeYa iEspíritu ou Gedeón re jare jae omoñee mimbɨ vecha kuimbae-räti yave Abiezer iñemuña reta oyomboatɨ jae ndive.

JUECES 6:34 ပူးပေါင်းရင်းမြစ်များ

1 CRÓNICAS 12:18

Jayave Tumpa iEspíritu ou Amasai re, jae ko treinta vae reta itenondegua, jare jei: “¡Mbɨakatu toime ndeve David, Isaí taɨ! ¡Mbɨakatu toiko nde ndive! ¡Mbɨakatu toime ndeve jare ndemborɨ vae reta pe, echa neTumpa ndemborɨ!” David omboresive jare oñono reta isundaro ruvicha reta ipɨte pe.

1 CRÓNICAS 12:19

Amogüe Manasés iñemuña reta güi yogüɨraja oñemoïru David ndive, ojo tëi filisteo reta ndive oñeraro vaerä Saúl kotɨ yave (ërei David mbaetɨ omborɨ filisteo reta, echa filisteo juvicha reta oyapo yemongeta omondo ye vaerä ñeraroa güi, echa jei reta: “¡Ipuere ko oyeaɨuka juvicha Saúl pe, güɨraja yave chupe ñaneäkagüe!”)

2 CRÓNICAS 24:20

Jayave Tumpa iEspíritu ou Zacarías re, sacerdote Joiada taɨ re jare ojo oñeñono ɨvatea pe jare jei opaete vae pe: “Tumpa jei: ‘¿Maera pa pe reta mbaetɨ peyapo cheporookuai reta? ¿Maera pa pe reta aeño peeka peyeupe ikavimbae? ¡Pe reta chereeya jeko pegua che poeyata vi!’ ”

SALMOS 51:11

Agüɨye chemombo nderóvai güi, jare agüɨye eekɨ chegüi ndeEspíritu ikɨambae.

NÚMEROS 10:3

Oñemoñee yave mókoi reve, opaete vae toyemboatɨ nderóvai tupao guakapi pegua ikësea jöke pe.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Gálatas 3:27

echa opaete Cristo re peyembobautisa vae, peyemonde ma rami ko Cristo pe.

JOSUÉ 17:2

Oyeapo vi suerte ɨvɨ oyemboyao vaerä ïru Manasés iñemuña reta peguarä, jëtara ñavo rupi: Abiezer taɨ reta, Helec taɨ reta, Asriel taɨ reta, Siquem taɨ reta, Hefer taɨ reta jare Semida taɨ reta; jae ko kuae Manasés taɨ reta, José jɨmɨmino reta.

JUECES 13:25

Jare metei ara Sansón oï Dan iñemuña reta jeyupa pe Zora jare Estaol ipäu pe yave. YandeYa iEspíritu omboɨpɨ oparavɨkɨ jese.

JUECES 14:19

YandeYa iEspíritu ou jese, jare ojo tëta Ascalón kotɨ joko pe oyuka treinta kuimbae opa opɨ̈ro chugüi reta imbaembae jare pɨpe omboepɨ jókuae ñee yavai vae omombeu chupe vae reta pe. Jare ojo tu jëta pe iyarasɨ yae reve,

JUECES 15:14

Yogüeru oväe reta Lehi pe yave, filisteo reta oë chupe osapúkai reve oyerovia güi. Ërei yandeYa iespíritu ou jese, jare omondoo tɨmasa reta oyeokua pɨpe vae opa ókai rami;

JUECES 3:10

Jare yandeYa iEspíritu ou Otoniel re omboarakuaa katu vaerä, jare jae ojo Israel iñemuña reta jenonde, ñeraroa pe, jare yandeYa omee ipo pe Cusan-risataim, mburuvicha guasu Siria pegua, jare güɨnoi mbaepuere jese.

JUECES 3:27

Ojo oväe Israel iñemuña reta iɨvɨ pe yave, omoñee mimbɨ guakaräti ɨvɨtɨ Efraín pegua re oenɨi vaerä Israel iñemuña reta, jare opaete vae ogüeyɨ ɨvɨtɨ güi Aod jupíe jare jae ojo tenonde chupe reta.

JUECES 6:11

Jare yandeYa iaraɨgua ou oguapɨ ɨvɨra encina Ofra pe oï vae igüɨ pe, jae ko Joás Abiezer iñemuña imbae. Gedeón, Joás taɨ ombopiriri oï trigo uva oñetɨamía pe, oñomi vaerä Madián iñemuña reta güi.

JUECES 8:2

Ërei jae jei chupe reta: —¿Mbaetɨ yera peikuaa pe reta peyapogüe tuicha yae ko che ayapo vae güi vae? Michiecha peyapo vae ko tuicha yae ore reta royapo vae güi.

1 SAMUEL 10:6

Jare Tumpa iEspíritu outa nderé mbaepuere ndive, jare remombeuta jae reta ndive Tumpa iñee; jare oipoepɨta ndeyemongeta.

1 SAMUEL 11:6

Saúl oendu yave kuae ñee reta, Tumpa iEspíritu ogüeyɨ jese mbaepuere ndive, jare täta yae iyarasɨ.

1 SAMUEL 13:3

Jare Jonatán oporepeña sundaro filisteo reta jeyupa güɨnoi ɨvɨtɨ re vae re, jare kuae oikuaa ïru filisteo reta. Jare Saúl omoñeeuka mimbɨguasu opaete iɨvɨ rupi, jei reve: “Toendu hebreo reta yogüeru vaerä yandemborɨ.”

1 SAMUEL 16:14

Jare yandeYa iEspíritu osɨrɨ Saúl güi, jare yandeYa omaeño espíritu ikavimbae vae oya Saúl re ombopɨakaviä vaerä.