JUECES 6:32 - Biblia Guarani Tumpa Iñee

³² Jayave güive ombojee reta Gedeón Jerobaal pe, jae ko: “Baal toyeepɨ chugüi”, echa Gedeón opa omboai Baal peguarä mɨmba oyeyuka oyeapɨ jese vae.

JUECES 6:32 ပူးပေါင်းရင်းမြစ်များ

2 SAMUEL 11:21

¿Mbaetɨ pa pemaendúa tëta Tebes pe metei kuña ko oitɨ ɨvate güi Abimelec iñäka re metei angúa ita iperasogüe, jare oyuka vae? ¿Maera pa peya mbatee tëta ikësea re?’ Jayave nde ere chupe: ‘Nderembiokuai Het iñemuña Urías, omano vi.’ ”

JEREMÍAS 11:13

Echa nde Judá, jeta yae tumpa-raanga renoi, tëta guasu reta jeta yae renoi rami; jare Jerusalén ikaye jeta yae rami, pemopüa jeta mbota renda Baal peguarä, peapɨ vaerä chupe ikäti kavi vae incienso.

OSEAS 9:10

YandeYa jei: “Ñuu pe uva ñaväe rami, aväe Israel; ɨva pɨau ia yagüɨyeɨpɨ vae re rami amae peñemuñagüe reta re. Ërei omboete reta tumpa-raanga Baal-peor, oñemee reta tumpa-raanga reta pe, jare oñereröɨrouka reta jókuae tumpa-raanga reta oaɨu vae ndive.

JUECES 6:31

Ërei Joás jei jókuae yogüeru vae reta pe: —¿Peepɨta pa Baal, jare peñerarota pa jese? ¡Kia ñavo oepɨ Baal vae tomano kuae ndeimbove voi! Baal Tumpa ko yave, pemaeño toyeepɨ jókuae kuimbae opa omboai mɨmba oyeyuka oyeapɨ jese vae güi.

JUECES 7:1

Ndeimbove yave opüa Jerobaal, jae ko Gedeón, jare opaete jae ndive ñogüɨnoi vae reta, jare yogüɨraja oyembojeyupa reta ɨesaɨ Harod iyɨpɨ pe; jare Madián iñemuña reta jeyupa oï chugüi reta ɨvɨtuguasu kotɨ, ɨvɨtɨ More ipäu ipe kavía pe.

JUECES 8:35

mbaetɨ vi omboyekuaa reta ipɨakavi Jerobaal jo pegua reta re, jae ko Gedeón, jókuae ikavi vae oyapo Israel iñemuña reta vae re.

1 SAMUEL 12:11

Jayave yandeYa ombou Jerobaal, Barac, Jefté jare Samuel pereepɨ vaerä perovaicho reta peɨ́vɨri ñogüɨnoi vae güi, jare peiko pɨagüive kuae ɨvɨ pe.