JUECES 6:31 - Biblia Guarani Tumpa Iñee

³¹ Ërei Joás jei jókuae yogüeru vae reta pe: —¿Peepɨta pa Baal, jare peñerarota pa jese? ¡Kia ñavo oepɨ Baal vae tomano kuae ndeimbove voi! Baal Tumpa ko yave, pemaeño toyeepɨ jókuae kuimbae opa omboai mɨmba oyeyuka oyeapɨ jese vae güi.

JUECES 6:31 ပူးပေါင်းရင်းမြစ်များ

1 REYES 18:27

Jare jaemai kuaraɨ ara mbɨte yave, Elías opuka jese reta, jei reve: —Pesapúkai täta, echa petumpa ko. Güɨramoi oime oyemongeta oï, ani oime mbae nunga mbaravɨkɨ oyapo oï, ani oë oguata. ¡Güɨramoi oke oï, pemomba!

1 REYES 18:29

Oasa ma kuaraɨ ara mbɨte yave, jare jae reta jekuaeño täta rupi osapúkai imbokeregüe nunga, ou regua oväe mɨmba oyeyukagüe oñemee kaaru yave vae iora, ërei mbaetɨ oyeendu ñee ave, jare mbaetɨ kia omboyevɨ vaerä jare oendu vaerä.

1 REYES 18:40

Jayave Elías jei chupe reta: —¡Peipɨɨ Baal regua omoërakua vae reta! ¡Agüɨye metei ave tojoyepe! Jare jae reta opa oipɨɨ; jare Elías güɨraja reta ɨ̈aka raɨ Cisón jee vae kotɨ, joko pe opa oñaseokɨ̈ti.

ÉXODO 23:2

Agüɨye peyeko jeta vae reta iyemongeta reño, ikavimbae oyeapo vaerä. Teko peñono kavi yave, agüɨye peyererajauka jeta vae reta jeia re, peepɨ vaerä jeko jupimbae;

ISAÍAS 41:23

pemombeu oreve mbaembae ko outa kuri vae, roikuaa vaerä añetete ko pe reta jae tumpa reta vae. Peechauka oreve ikavi vae ani ikavimbae vae yepe, oremiari vaerä jese jare orepɨakañɨ vaerä.

ISAÍAS 46:1

Tumpa-raanga Bel oyeitɨ, tumpa-raanga Nebo opa oyeka. Jókuae tumpa-raanga reta opata oñeñono mɨmba ivoɨtarä, oipotagüe voɨta rami ko oñeñonota mɨmba ikangɨ vi vae reta re.

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

JEREMÍAS 10:11

(Körai pere itumpa-raanga pota vae reta kotɨ: “Okañɨta ko ɨvɨ güi tumpa-raanga reta mbaetɨi oyapo ara jare ɨvɨ vae; mbaetɨ eteita opɨta chugüi reta metei ave ɨvɨ pe.”)

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

NÚMEROS 14:6

Jare Josué, Nun taɨ jare Caleb, Jefone taɨ, kuae reta ko jókuae ɨvɨ re opa yogüɨraja omae vae, omondoro reta jemimonde ipɨatɨtɨ güi,

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

Efesios 5:11

Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

JUECES 6:30

—Enoe nderaɨ ikatu pe royuka vaerä. ¡Jae opa omboai Baal pegua mɨmba oyeyuka oyeapɨ jese vae jare oyasɨa Asera iä oï iyɨpɨ pe vae!

JUECES 6:32

Jayave güive ombojee reta Gedeón Jerobaal pe, jae ko: “Baal toyeepɨ chugüi”, echa Gedeón opa omboai Baal peguarä mɨmba oyeyuka oyeapɨ jese vae.

1 SAMUEL 12:11

Jayave yandeYa ombou Jerobaal, Barac, Jefté jare Samuel pereepɨ vaerä perovaicho reta peɨ́vɨri ñogüɨnoi vae güi, jare peiko pɨagüive kuae ɨvɨ pe.