JUECES 6:25 - Biblia Guarani Tumpa Iñee

²⁵ Jókuae pɨ̈tu voi yandeYa jei Gedeón pe: —Eipɨɨ metei toro nderu jɨmba güi, toro mokoía chiu año vae, jare opa emboai Baal pegua mɨmba oyeyuka oyeapɨ jese vae nderu imbae jare eyasɨa vi Asera iä oï jae ndive vae,

JUECES 6:25 ပူးပေါင်းရင်းမြစ်များ

GÉNESIS 35:2

Jayave Jacob jei opaete jo pegua reta pe, jare opaete jae ndive ñogüɨnoi vae reta pe: —Peekɨ opaete tumpa ambuae oï pepɨte rupi vae, jare peyetɨo jare peipoepɨ peremimonde.

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

JOB 22:23

Reyerova ye yave Imbaepuere yae ete vae kotɨ, reï kavi pɨau yeta, jare ombosɨrɨta ndero güi mbɨatɨtɨ.

SALMOS 101:2

taikuaa kërai sɨmbi rupi taiko, reyu chépɨri yave. Sɨmbi rupi kavi taiko chero pe;

ÉXODO 34:13

Jɨmba oyuka oapɨ jese vae reta opa pemboai chugüi, opa peyoka mbae iä reta jare Asera iä reta.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Mateo 6:24

Ngaraa kia ipuere oyeokuai kavi mókoi iya güɨnoi yave; echa omotareɨta metei iya jare oaɨuta ïru, ani oyeokuai kavita metei pe jare güɨröɨrota ïru. Ngaraa pepuere peyeokuai päve Tumpa pe ani mbaeyekou pe.

Hechos 4:19

Ërei Pedro jare Juan jei chupe reta: —Pemae kavi pe reta. ¿Jupi ra Tumpa jóvai royapo vaerä peporookuai Tumpa iporookuai güi?

Hechos 5:29

Jayave Pedro jare ïru temimondo reta jei chupe reta: —Royapo tai ko Tumpa iporookuai, kuimbae reta iporookuai güi.

DEUTERONOMIO 7:5

Peyapota chupe reta vae jae kuae: Mɨmba oyeyuka oyeapɨ jese vae jae reta imbae pemboai, jare peyoka mbae iä oyapogüe, jare Asera iä peyasɨa, jare peapɨ tata pe opaete mbae iä oyapogüe reta.

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.

JUECES 6:26

jare ɨvatea pe emopüa che ndeYa Tumpa peguarä mɨmba oyeyuka oyeapɨ jese vae. Eipɨɨ jókuae toro jare emee cheve mɨmba oyeyuka opaetei oyeapɨ vae, reiporu reve yepearä jókuae Asera iä opa reyasɨa vae.