JUECES 6:21 - Biblia Guarani Tumpa Iñee

²¹ Jare araɨgua ipo pe güɨnoi popoka vae pe oñátai soo jare mbɨyape, jare jókuae ita guasu güi oë tata, jare opa oapɨ soo jare mbɨyape; javoi yandeYa iaraɨgua okañɨ jóvai güi.

JUECES 6:21 ပူးပေါင်းရင်းမြစ်များ

1 REYES 18:38

Jayave yandeYa ombou tata, jare opa oapɨ mɨmba oyeyukagüe oyeapɨ vaerä vae, yepea, ita reta jare ɨvɨkúi, jare ɨ oï ipɨ̈koe pe vae ave opa omotini.

1 CRÓNICAS 21:26

jare joko pe omopüa metei mɨmba oyeyuka oyeapɨ jese vae yandeYa pe, jare omee mɨmba oyeyukagüe opaetei oyeapɨ vae jare mɨmba oyeyuka oñemee mbɨakatu pegua vae. Javoi oyerure yandeYa pe, jare jae omboyevɨ chupe ombou reve tata ara güi mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae re.

2 CRÓNICAS 7:1

Jare Salomón opa oyerure yave, ou tata ara güi, jare opa oapɨ mɨmba oyeyukagüe opaeteita oyeapɨ vae, jare mɨmba oyeyukagüe reta, jare yandeYa iyemboetea tɨnɨe tupao guasu.

ISAÍAS 38:7

Jayave Isaías jei chupe: —Kuae rupi reikuaata añetete ko yandeYa ombopota jeigüe vae:

LEVÍTICO 9:24

Jare yandeYa ombou tata, jare oapɨ mɨmba oyeyukagüe opaeteita oyeapɨ vae ikɨragüe reta ndive mɨmba oyeyuka oyeapɨ jese vae re. Jare Israel iñemuña reta oecha yave, omboete jare oyetavatɨka reta itindɨasɨ ɨvɨ re.

JUECES 13:19

Manoa oipɨɨ kavara kuimbae raɨ jare mbota temitɨ jäɨgüe, jare oñono ita guasu iárambo jare omee mɨmba oyeyukagüe opaetei oyeapɨ vae yandeYa pe. Jayave araɨgua oyapo mɨakañɨ Manoa jare jembireko jóvai;

JUECES 13:20

tata jendɨ opüa ɨvate yave, Manoa jare jembireko oecha reta jókuae Tumpa iaraɨgua ojo ara kotɨ tata jendɨ opüa vae rupi. Jayave oyetavatɨka itindɨasɨ reta ɨvɨ re.

JUECES 6:20

Jayave Tumpa iaraɨgua jei: —Eipɨɨ soo jare mbɨyape ovumbae jare eñono ita guasu re, jare epɨyere tembíu tɨɨgüe vae. Jare jökorai oyapo.