JUECES 6:12 - Biblia Guarani Tumpa Iñee

¹² YandeYa iaraɨgua oyekuaa jare jei chupe: —¡Kuimbae ipɨ̈rata jare jëia yae vae, yandeYa oï nde ndive!

JUECES 6:12 ပူးပေါင်းရင်းမြစ်များ

ÉXODO 3:12

Jare Tumpa jei: —Ekua, echa che aïta nde ndive; jare kuae toï ikañɨmaa vaerä che etei ko romondo vae: Renoe ma Egipto güi tëta chembae yave, chemboeteta kuae ɨvɨtɨ re.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 28:20

Pemboe reta opaete che poyókuai vae re. Jare che aïta pe ndive opaete ara kuae ɨvɨ iyapɨ regua. ¡Amén!

San Lucas 1:11

Jayave oyekuaa chupe metei yandeYa iaraɨgua, oyemboɨ oï ikäti kavi vae incienso oyeapɨ jese vae iyakatu kotɨ.

San Lucas 1:28

Jare araɨgua oike María oïa pe jare jei chupe: —Kërai pa reï. YandeYa ipɨakavi yae ndeve. Jae oï nde ndive, jare iporerekua yae nderé ïru kuña reta güi.

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

JOSUÉ 1:5

Ngaraa etei kia ipuere nemoamɨri reikove reiko ramboeve; Moisés ndive aiko rami aikota nde ndive; ngaraa roeya, ngaraa roeya ndeangarekoambae.

JOSUÉ 1:9

Mase, royókuai reñemomïrata vaerä jare reñemoäta ngatu vaerä; agüɨye ekɨɨye jare agüɨye eyembopɨtu, echa che ndeYa Tumpa aïta nde ndive oipota rupi reoa rupi.”

JUECES 11:1

Jefté jae ko jëia yae vae ɨvɨ Galaad pegua. Jae ko metei kuña iyaguasa pota vae imembɨ, tu jee Galaad;

JUECES 13:3

Ërei yandeYa iaraɨgua oyekuaa chupe, jei reve: “Mbaetɨ nemembɨ, echa nde imembɨmbae ko. Ërei añave ndepuruata jare oata nemembɨ kuimbae.

JUECES 2:18

YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

JUECES 6:11

Jare yandeYa iaraɨgua ou oguapɨ ɨvɨra encina Ofra pe oï vae igüɨ pe, jae ko Joás Abiezer iñemuña imbae. Gedeón, Joás taɨ ombopiriri oï trigo uva oñetɨamía pe, oñomi vaerä Madián iñemuña reta güi.

JUECES 6:13

Jare Gedeón jei: —Atataɨ cheya, oreYa oime oiko ore ndive yave ¿maera pa oasa ore ndive opaete kuae mbaembae? ¿Jama pa jókuae mɨakañɨ reta oreñemuñagüe reta imiari oreve jese vae, orerenoe ɨvɨ Egipto güi yave vae? Jare añave orereeya oremee Madián iñemuña reta ipo pe.

RUT 2:4

Jókuae ara etei Booz ou oväe Belén güi, jare ombaepoo vae reta pe jei: —¡YandeYa toï pe ndive! Jare jae reta jei chupe: —¡YandeYa tiporerekua nderé!

1 SAMUEL 10:7

Jare opaete kuae mɨakañɨ reta oasa nde ndive yave, eyapo reyemongeta jaekavita ndeve vae, echa Tumpa oime ko oï nde ndive.