JUECES 6:10 - Biblia Guarani Tumpa Iñee

¹⁰ Jare jae ko peve reta, che ko jae peYa Tumpa, agüɨye pekɨɨye amorreo reta itumpa reta güi iɨvɨ pe añave peï vae; ërei pe reta mbaetɨ peyapo che jaegüe.’ ”

JUECES 6:10 ပူးပေါင်းရင်းမြစ်များ

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 REYES 17:33

Oipoɨu reta tëi yandeYa güi, ërei omboete reta vi itumpa ae ae reta, tëtaguasu reta oyereroyakavoa güi vae jeko reta rami aeño.

2 REYES 17:7

Echa Israel pegua reta iyoa iYa Tumpa kotɨ, ɨvɨ Egipto güi güɨnoe vae, Faraón mburuvicha guasu Egipto pegua ipo igüɨ güi vae kotɨ, jare omboete reta tumpa ambuae reta,

NEHEMÍAS 9:29

Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta, jare mbaetɨ oyeapɨsaka reta.

ÉXODO 34:12

Agüɨye peyapo ñemoïru jókuae ɨvɨ peiketa pɨpe vae pe yogüɨreko vae reta ndive, agüɨye vaerä pemomoe jae reta jeko.

ÉXODO 34:14

Agüɨye pemboete ïru tumpa, echa che peYa, jee ko Jägüɨro vae, Tumpa jägüɨro vae ko.

PROVERBIOS 5:13

¡Mbaetɨ aipota aendu chemboe vae reta iñee, mbaetɨ ayeapɨsaka chemboe vae reta re!

JEREMÍAS 10:2

Jei körai: “Agüɨye pemomoe ïru tëtaguasu reta jeko, agüɨye pekɨɨye mɨakañɨ reta ara re oyekuaa vae güi, yepe tëi tëtaguasu reta okɨɨye chugüi.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

JEREMÍAS 3:25

Oreropa jare oremara yae, echa orendei güive añave regua, ore jare oreñemuñagüe reta oreyoa nde oreYa Tumpa kotɨ, jare mbaetɨ royapo nde rere vae.”

JEREMÍAS 42:21

Añave che aikuaauka peve yandeYa Tumpa cheokuai jae vaerä peve vae, ërei pe reta mbaetɨ peipota peyapo.

JEREMÍAS 43:4

Jökorai, Johanán ani sundaro ruvicha reta ani Judá pe jembɨregüe reta ave mbaetɨ opɨta ɨvɨ Judá pe, mbaetɨ oendu reta yandeYa iporookuai.

JEREMÍAS 43:7

Opa yogüɨraja Egipto kotɨ, oyapombae reve yandeYa jeigüe vae, jare yogüɨraja oväe tëta guasu Tafnes pe.

JEREMÍAS 9:13

YandeYa jei: “Opaete kuaekuae oasa, echa oeya reta cheporookuai reta amee chupe reta vae; mbaetɨ oendu jare mbaetɨ oyapo reta.

SOFONÍAS 3:2

Mbaetɨ oyeapɨsaka yandeYa iñee re, mbaetɨ oipota oendu omboeta chupe vae, mbaetɨ oyeko yandeYa re, mbaetɨ ou Tumpa kotɨ.

Romanos 10:16

Echa mbaetɨ opaete oendu ñee ikavi vae, Isaías jei rami, echa jei: “CheYa, ¿kia ra güɨroviata romoërakuagüe re?”

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

JUECES 2:2

pe reta mbaetɨ yave peyapo ñemoïru jókuae tëta pegua reta ndive, pemboai yave chugüi reta itumpa-raanga reta pe mɨmba oyeyuka oyeapɨ jese vae reta.’ Ërei pe reta mbaetɨ peyapo che jae vae, ¿maera pa ko kuae peyapo?

JUECES 6:9

ërei mbaetɨ poyora Egiptoɨgua reta güiño, poyora vi opaete oiporarauka peve vae reta ipo güi. Opa anoe amombo reta perenonde güi jare iɨvɨ amee peve.